Nshuwau 8:51 - Ibibiliya mu Shimakonde Imbodi Yaambi na dimbande dya Imbodi Yakala

⁵¹ Ninkumwaulila mwiu mwiu doni, munu áigwilila lilove lyangu, kupela ko mwiko, haona shinu ngwengwe.”

Nshuwau 8:51 ပူးပေါင်းရင်းမြစ်များ

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Lukashi 2:26

Jo Imumu Wanashwe andímwaulila Shimiyau doni, hapela akanava kumwona Klistu wake Umu kuntumidya.

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 15:20

Kumbukila malove animwaulidile, ‘Ntumika hanampunda nang'olo wake.’ Ikava kenga vaningupapata, namwenu momo vanampapata na ikava kenga vandiigwilila lilove lyangu, namwenu momo lyenu lyo, vandaigwilila.

Nshuwau 17:6

“Nangu nditadya lina lyako limanyike kwa avalá vaungupele mushilambo amu. Vovo vo, vavelé vako kutwala wako kungupa nangu na vanavo vankwigwilila lilove lyako.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:50

Ali ni ligung'u lyalóka kuwa kwambangidya woewoe alye na hanapele.

Nshuwau 8:12

Yesu andítangola kavili na vanavo kushidoni, “Nangu ni Lilangadyo Lyashilambo. Munu woewoe ángwoda nangu hawena shinu mwiko mushii, ngwengwe andavanavo lilangadyo lyashingumi.”

Nshuwau 8:52

Vayuda kutwala kushidoni, “Napanelo tundikwanalela kenga mwiu unkuvanavo majini. Abulaamu tu andipela na vakulava momo vandipalanga. Napanelo wako utangola kenga álota kwigwilila lilove lyangu, kupela ko mwiko, halinga ngwengwe!

Nshuwau 8:55

Mwenu nae hamummanyite, napane nangu ni nímmanyite. Leka ngùtangwele doni hanimmanyite, ndikandiva ninshwang'a kenga mwenu. Nangu kanji nimmanya na lilove lyake, ninkwigwilila.

Vabalaniya 11:5

Kwalikulupililo Enoki andítanduligwa kwambangidya hanalinge kupela; haaneke kavili pakuva Nnungu aníntwala mwaa akanava kutanduligwa, vashindamwimyanga kenga Nnungu animpuwangila.

Vabalaniya 2:9

ila tunkumwona Yesu wauntandile padyoko tu kuva mwina mwavanjelo, waungwadidye lidaka lyalishangelo na lyaishima kwamwaa wakuvauvanga mukupela kwambangidya kwaumonyo wake Nnungu alinge kupela kwamwaa wavanu uti.