Nshuwau 7:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:30 ပူးပေါင်းရင်းမြစ်များ

Mateu 12:14

Bai mapalishayo pavaumanenge nshitala amulá, vandíikala shemba pakulota vammalidye.

Mateu 21:46

Vanavo vashindalambela dindila dyakumuungila kanji vashindavajopa venentete mwaa vanavo vashindamwamini nae kuva nkúlava.

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Lukashi 20:19

Napanelo vamwalimu vadishaliya na vanang'olo vavakulangalalela-shadaka vashindalota vamwinjilinneu mwaa vandímanya shalowa kenga nkong'o awo ushivakumbyanga vanavo kanji vashindavajopa venentete.

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Nshuwau 10:31

Bai vayuda vandílakatanga kavili majanga pakulota vamwamange.

Nshuwau 10:39

Bai vayuda vandílingangila kavili kunkamula kanji nae andívativaniva.

Nshuwau 11:57

Doni, vanang'olo vavakulangalalela-shadaka pamo na mapalishayo vandyúmya lilamulo lyakulota munu ámanyite lyutu lyavele Yesu, avalangange kwambangidya vakankamule.

Nshuwau 7:19

Da mwenu Musha hampele Lilamulo? Pakati penu Lilamulo alyo, hapali ata jumo átandedya. Mwaa shani munkulota mungumalidye?”

Nshuwau 7:32

Napanelo mapalishayo vakaigwe imbumba ing'ung'ulanga vantambulanga Yesu, vanavo pamo na vanang'olo vavakulangalalela-shadaka vandívatuma vakushunga vauke vakankamule.

Nshuwau 7:6

Yesu napane kuvaulila doni, “Isaa yangu hainava kunguwikila ila mwenu isaa yenu yakutenda vyenu ngwengwe ivelé tayali.

Nshuwau 7:8

Wena mwenu po kushikukulu ko. Nangu apa, kushikukulu ashi, hanguka mwaa wakati wangu haunava kunguwikila.”

Nshuwau 8:20

Malove alo Yesu atangwele àvele pepi na pamashanduku avashitenda vajela njuluku washadaka akuno apundisha mulugwani lwamwing'ande ya Nnungu. Napane hapali munu ankamwíle mwaa wakati wake uvele ukanava kuwika.

Nshuwau 8:37

Ndimanya kenga mwenu ni mmanu mmamuudukulu umwe Abulaamu kanji munkulota mungubyae mwaa lilove lyangu halinavanavo shinu litala nkati mwenu.

Nshuwau 8:59

Napavedoni vayuda vandílakatanga majanga pakulota vamwamange, Yesu kanji kutivaniva kutwala kuma mwing'ande ya Nnungu.

Nshuwau 9:4

Indituvaikila tukole madengo amwe aijá ángutumididye uvé wo mui au. Shilo shinkwida pakaulula munu kukola madengo.