Nshuwau 6:63 - Ibibiliya mu Shimakonde Imbodi Yaambi na dimbande dya Imbodi Yakala

⁶³ Imumu ni átadya shinu shivenavo shingumi, mili hashipali shatenda. Malove animwaulidile ni imumu na ni shingumi.

Nshuwau 6:63 ပူးပေါင်းရင်းမြစ်များ

Nshuwau 5:21

Doni, mo mwavadyuwidya Tatamunu vakupela kuvapa shingumi, nimumo momo avalá vávalota Mwana, ankuvapa shingumi.

Nshuwau 6:68

Simoni Patulu kutwala kunjang'ula aashidoni, “Nang'olo, wetu tuka kumwe nyani? Wako ni úvenavo malove ashingumi shíkamalilika.

Vitendo 5:20

“Wena mukalilodye kwing'ande ya Nnungu mukavape venentete malove a Shingumi ashi.”

Valoma 10:17

Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu.

Valoma 2:25

Mwiu, kukumuligwa likumbi kunkuvanavo mana ikava kenga wako unkwigwilila lilamulo kanji ikava kenga wako ni nkúpujungula lilamulo, bai kukumuligwa kwako ko kunditadya kuva ungakumuligwe.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

I Vakolintu 15:45

Kenga indyandikigwa, “Munu ntandi Adamu nae andyuka ndava ungumi unáma”; Adamu wamwisho aju, nae andyuka ndava imumu íng'a shingumi.

Vagalata 5:25

Tukanama kwa Imumu, bai tupagwe momo munkondo wa Imumu.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

I Timoti 4:8

Mwaa kulidyavalakedya kwamili kunkuvanavo paida yake ila kunjopa Nnungu kunkuvanavo paida muuti kuvanavo kulivikila kwashingumi ashi na shída.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu