Nshuwau 6:53 - Ibibiliya mu Shimakonde Imbodi Yaambi na dimbande dya Imbodi Yakala

⁵³ Yesu kutwala kuvaulila doni, “Ninkumwaulila mwiu mwiu doni, mwenu mukanamamena mili wa Mwana Wamunu na kukumbila myadi vyake hamuvanavo shingumi nkati mwenu.

Nshuwau 6:53 ပူးပေါင်းရင်းမြစ်များ

Mateu 18:3

kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 5:18

Ninkumwaulila mwiu doni, shilambo shakuwa na shapai vikanava kupita, hashipali shilóta kwapuka nkati mu Lilamulo ata palukavéle lutembo kwali lukweu ludikidiki vela, vindapagwa mpaka uti vitandeke.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Lukashi 13:3

Bai mene! Kanji mwenu mukanalijugulanga madambi enu mundapalela mo mwavapalalele vanavo.

Lukashi 13:5

Bai mene! Kanji mwenu mukanalijugulanga madambi enu mundapalela mo mwavapalalele vanavo.”

Nshuwau 13:8

Patulu do, “Mene. Wako madodo angu, mwiko haunavyanga!” Yesu akanjang'ula, “Ndikanakunavyanga, haupagwa nkati mwangu.”

Nshuwau 15:4

Pagwa nkati mwangu na nangu ngupagwe nkati mwenu. Mo mwalukapela lutavi vyepo lwolwene kwabila kupagwa munnandi, namwenu ni momo mukanapagwa nkati mwangu.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Nshuwau 6:55

Mwaa mili wangu ni shakulya shiu na myadi vyangu ni shakukumbila shiu.

Nshuwau 6:62

Ilota kuva dashi mukamwona Mwana Wamunu akwela auka kulyutu lyavéle patandi?

I Nshuwau 5:12

Aijá ávenavo Mwana, ankuvanavo shingumi na aijá ákavenavo Mwana wa Nnungu, havenavo shingumi.

Maono 2:17

“ ‘Ávenavo matu, aigwe vyatangola Imumu na maganisha. Nkútema ndamupa alye manaa apiíke na ndamupa lijanga lyanashwe lyavandike lina lyaambi, lina alyo hapali ámanyite ila jo mwene ápwashalela.’ ”

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”