Nshuwau 6:50 - Ibibiliya mu Shimakonde Imbodi Yaambi na dimbande dya Imbodi Yakala

⁵⁰ Ali ni ligung'u lyalóka kuwa kwambangidya woewoe alye na hanapele.

Nshuwau 6:50 ပူးပေါင်းရင်းမြစ်များ

Nshuwau 3:13

Hapali munu ákwadile kuwa ila ni aijá áalweke kuwa, Mwana Wamunu.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:33

mwaa ligung'u lyake Nnungu ni aijá áalakadile kuwa kwing'a shilambo shingumi.”

Nshuwau 6:42

Vanavo vandítangola vaashidoni, “Da aju i Yesu mwanagwe Yoshe? Tatake na anyoke, wetu tundivamanya. Napanelo atangola dashi doni, ‘Ngwaleké kuwa’?”

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Nshuwau 6:58

Mwenu! Ali ni ligung'u lyalakadíle kuwa. I kenga mwavalyalalele vanakuluvenu kutwala kupela; aijá álya ligung'u ali andanama ngwengwe.”

Nshuwau 8:51

Ninkumwaulila mwiu mwiu doni, munu áigwilila lilove lyangu, kupela ko mwiko, haona shinu ngwengwe.”

Valoma 8:10

Napane ikava kenga Klistu ankupagwa nkati mwenu, kwaupande unji mili undipela kwamwaa walidambi kanji kwaupande unji Imumu ankwing'a shingumi kwamwaa waishaliya.