Nshuwau 6:46 - Ibibiliya mu Shimakonde Imbodi Yaambi na dimbande dya Imbodi Yakala

⁴⁶ I kenga apali munu ángwene Tatamunu ila aijá áaleke kwa Nnungu, aju ni ángwene Tatamunu.

Nshuwau 6:46 ပူးပေါင်းရင်းမြစ်များ

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Lukashi 10:22

Atata aningukamudya vinu uti. Hapali munu junji ámmanyite Mwana pakavele Atata na hapali ámmanyite Atata pakavele Mwana pamo namu aijá walota kummalangangila Mwana.”

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 14:7

Ikava kenga muningumanya, Atata momo munammanya. Kutunduvangila ambi apa munimmanya na munimwona.”

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 5:37

Atata ángutumididye jo, nae andyumya ushuda anguvalanganga nangu. Mwenu ata lidi lyake hamwigwite, ata mwavalalele mo, hamumwanite

Nshuwau 7:29

napane nangu nimmanya mwaa ngwalakadilé kwake na jojo ni ángutumididye.”

Nshuwau 8:19

Vanavo kutwala kumudya, “Tatako jo avelé kwashi?” Yesu kushidoni, “Mwenu nangu hamungumanyite na ata Atata hamummanyite momo. Leka mùngumanyite ata Atata mukanimmanya.”

Nshuwau 8:55

Mwenu nae hamummanyite, napane nangu ni nímmanyite. Leka ngùtangwele doni hanimmanyite, ndikandiva ninshwang'a kenga mwenu. Nangu kanji nimmanya na lilove lyake, ninkwigwilila.

Vakoloshu 1:15

Nae ni ing'ope ya Nnungu ákaaneka, ntandi kuvalekwa waviumbi uti

I Timoti 6:16

jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Nshuwau 4:12

Hapali ata munu jumo ángwene Nnungu; wetu tukanagwaladyania, Nnungu ankupagwa nkati mwetu na linagwaledyo lyake linkuwikila popo nkati mwetu.