Nshuwau 5:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Vayuda napane vanímwaulila aijá munu wavamponídye kushidoni, “Nelo liduva lyakupumula, nkati mulilamulo haivaikidile wako kunyukata litandiko lyo.”

Nshuwau 5:10 ပူးပေါင်းရင်းမြစ်များ

Mateu 12:10

Mwe! Mo mushitala mo kupagwa munu jumo wakudidimanga nkono. Vanavo valota vapate shakunkanidyanga Yesu, vandímudya, “Da lilamulo linkutuleka kumponia munu muliduva lyakupumula?”

Malukushi 2:24

Kutwala mapalishayo kumudya, “Wako, mwaa shani vakwoda vako vankutenda shinu shilaéka na lilamulo kutenda muliduva lyakupumula?”

Malukushi 3:4

Kutwala kuvaudya kushidoni, “Da muliduva lyakupumula lilamulo linkutuleka tutandedye vyambone kwali vyakunyata? Kuposha shingumi kwali kumalidya?” Vanavo kumalalanga do, vii!

Lukashi 13:14

Nanangalaledi wamushitala ashanga mwaa wakuponia Yesu muliduva lyakupumula, nae andyáulila imbumba yavanu kushidoni, “Apali maduva sita avaikidíle kukola madengo; mumaduva lolo lo, idananga vamponie kanji muliduva lyakupumula ali, um, mene.”

Lukashi 23:56

Bai vanavo vandyújananga kutwala kupanganianga vinu vyakunung'angila vyakutaa mumili na mauta akunung'ila. Muliduva lyakupumula vanavo vandípumula kwodana na lilamulo.

Lukashi 6:2

Kanji mapalishayo vanji kuvatangalangila vaashidoni, “Mwaa shani mwenu munkutenda shinu shilaéka na lilamulo kutenda muliduva lyakupumula?”

Nshuwau 1:19

Napanelo au ni ushuda waumidye Nshuwau vayuda pavavatumile pa Yelusalemu vakulangalalela-shadaka pamo na valawi ndamudya doni, “Da wako unyani?”

Nshuwau 5:11

Munu jo kushidoni, “Munu ánguponidye jo ni ángwaulidile doni, ‘Nyukata litandiko lyako uke.’ ”

Nshuwau 5:15

Bai munu aijá andyúka ndavavalangangila vayuda kenga, Yesu ni ámponidye.

Nshuwau 5:16

Napavedoni vayuda vandítunduvanga kumpapata Yesu mwaa ashindatenda vinu avyo muliduva lyakupumula.

Nshuwau 7:23

Ikava kenga munkunkumula mwana likumbi muliduva lyakupumula pakulota Lilamulo lyake Musha halinatimbikange, mwaa shani munkunguvikila shitundi mwaa wakumponia nangu munu mili wake uti muliduva lyakupumula?

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.