Nshuwau 4:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Napanelo pavishitandeka avyo vakwoda vake vashinankanyilidya, “Labi, lyaa!”

Nshuwau 4:31 ပူးပေါင်းရင်းမြစ်များ

Mateu 23:7

Vanavo mumautu aumbala kuvanagwela vavaudyange na ishima na vanu vavasheme ‘Labi.’

Mateu 23:8

Kanji mwenu hanapagwe wakushamegwa ‘Labi’ mwaa mwalimu wenu avelé jumo bai. Mwenu apa uti mmanung'unumunu gweka.

Mateu 26:25

Kutwala Yudashi aijá nannimya kumudya, “Labi, da nangu apa?” Yesu kushidoni, “Wako ni úvalanganga.”

Mateu 26:49

Nae kukinneu kumwe Yesu ndaashidoni, “Labi, umumi?” Bai kutwala kumwambatila.

Malukushi 11:21

Patulu kukumbukila kutwala kumwaulila Yesu, “Labi, lola nnandi wautaile dilana wo, undijuma.”

Malukushi 14:45

Yudashi pawikile kukinneu kumwe Yesu ndaashidoni, “Labi!” Kutwala kumwambatila.

Malukushi 9:5

Patulu kutwala kumwaulila Yesu kushidoni, “Labi, ni shambone mwatupagwididye pashinu apa, leka tukandyange mautu matatu akwikala limo lyako, linji limwe Musha na linji live limwe Liyashi.”

Nshuwau 1:38

Yesu akavona vakwoda vake Nshuwau avalá vamwoda nae kuvaudya, “Mulambela nyamani?” Vanavo, “Labi,” (Labi, kwakuvalangangila, Mwalimu), “da uwikidilé kwashi?”

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 11:8

Vakwoda vo kushidoni, “Labi, madudi-madudi apa vananangalaledi vashilota vakwamange majanga; napanelo ulota uke koko kavili?”

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 3:26

Vanavo vandyúka ndatangola namu Nshuwau kushidoni, “Labi, munu avéle namu wako mwangu unji wa Yudani, waumidye ushuda ummalanganga nae, gwe, aijá apalá ankuvapa vanu ubatisho na vanu uti vankumuukila.”

Nshuwau 4:30

Vanu vandyúma palikaja apalá kumuukila koko kwavéle.

Nshuwau 4:32

Kanji Yesu kushidoni, “Nangu ninkuvanavo shakulya shamukamanyite mwenu.”

Nshuwau 6:25

Napanelo vanavo vakamwone mwangu unji walitanda, vandímudya, “Labi, da wako akuno ko widilé duvani?”

Nshuwau 9:2

Vakwoda vake kutwala kumudya, “Labi, da lidambi lintadídye munu aju aputale mevo atagilé mwene kwali atagilé tatake na anyoke?”