Nshuwau 21:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Vakamalile kulya, Yesu andímudya Simoni Patulu, “Simoni mwanagwe Nshuwau, da wako unkungunagwaledya namene kuvapunda ava?” Nae doni, “Elo Umu, wako unkumanya kenga ninkukunagwaledya.” Yesu kushidoni, “Valishe vangandolo vangu.”

Nshuwau 21:15 ပူးပေါင်းရင်းမြစ်များ

Mateu 10:37

“Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Mateu 26:33

Patulu kutwala kushidoni, “Ata ikava kenga vavangu ava uti vandakuleka, nangu mwiko handikuleka!”

Mateu 26:35

Patulu do, “Ata ikava yakupela namu wako, nangu mwiko handikukana.” Kutwala vakwoda vake vanji uti kutangalela momo.

Malukushi 14:29

Patulu kutwala kushidoni, “Ata ikava kenga vavangu uti vandakwambukanga, nangu mene!”

Lukashi 12:32

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Lukashi 22:32

Kanji nangu ndikujugwila kwambangidya likulupililo lyako halinajaike. Napanelo wako paunguujila po, vanonowange vanung'unumunu.”

Nshuwau 1:42

Bai Andaleya akantwala Simoni kumuukanavo kumwe Yesu. Yesu akannola Simoni ndoo, akamwaulila kushidoni, “Wako lina lyako Simoni mwanagwe Nshuwau. Napane kutunduvangila ambi apa vandakushema Kepashi” (Kepashi kwakuvalangangila kunji, Patulu).

Nshuwau 13:37

Patulu kushidoni, “Nang'olo mwaa shani nakwode ambi apa? Kwamwaa wako wako, nangu ndajaa shingumi shangu.”

Nshuwau 16:27

mwaa jo mwene Atata aju ankunnagwaledya mwenu kwoda mwenu muningunagwaledya nangu na muningukulupila kenga ngwaleké kumwe Nnungu.

Nshuwau 21:12

Yesu kushidoni, “Idananga mulye!” Hapagwíte ata nkwóda jumo e alyalavéke kumudya do, “Da wako unyani?” mwaa vandímanya kenga avele Umu.

Nshuwau 21:7

Napanelo nkwóda aijá áshinagwaleka namene namu Yesu andímwaulila Patulu kushidoni, “Aju Umu!” Bai Simoni Patulu paigwite davo, nae andítwala inguvo yake kugwala mwaa avele matakodavo kutwala kulijela mmedi.

Nshuwau 8:42

Yesu kuvaulila doni, “Nnungu leka àvele tatagwenu mukaningunagwaledya nangu mwaa nangu ngwaleké kwa Nnungu na ndida kwamwaa wake. Hangwidile kwakubuni nimwene, nae ni ángutumididye.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:29

Nangu ndimanya shana doni, ling'oto lyakuma nangu andaumilila mavinji akujowa pakati penu pavakapambedya likundi lyavangandolo.

Valoma 14:1

Mwenu, aijá wakudabadabanga mulikulupililo mpwashalele kanji i kwakulota kutaukananganavo kwamwaa wamaoni.

Valoma 15:1

Napanelo wetu tuvakunanopa po indituvaikila tulipililile kudabadabanga kwa avalá vákananopa na i pakulota itunagwele wewe tuvene.

I Vakolintu 8:11

Nadoni wakudabadabanga aju ankubamalegwa kwalimanyilo lyako, nung'unumunu aijá wampalalele Klistu.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 4:13

Hashipali shuumbígwe shilipiídye pamevo pake Nnungu. Uti vivelé mwandwa na palangele pamevo pamwe aijá patulota wetu kwitikanga.

I Patulu 1:8

Ata ikava kenga mwenu hamungwene ila munkunnagwaledya; ata ikava kenga ambi apa hamunamwona shinu, munkunkulupila na munkupuwanga kwalipuwilo líkaululika kuvalanganga na lyumbéle lishangelo

I Patulu 2:2

Kenga mmanunu, avanavo mweshe wamavele aimumu akaanganikéne na shinu shoeshoe pakulota kwaindila yaanavo, mwenu mukulumuke kwakwambolegwa

I Patulu 2:25

Mwaa mwenu muvele kenga dingandolo dyakudumbadumba kanji napane ambi apa, mundimuujila Nkúshunga na Nkúlaledya waungumi wenu.

I Nshuwau 4:19

Wetu tunkuvanavo linagwaledyo mwaa nae ni ntandi kutunagwaledya.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.