Nshuwau 20:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Nshuwau 20:26 ပူးပေါင်းရင်းမြစ်များ

Mateu 17:1

Napanelo akapite maduva sita, Yesu akantwala Patulu, Tiyagu namu Nshuwau nung'une Tiyagu kuvaukanavo gwekayavo ndakwela palishinga lyakulepa.

Malukushi 16:14

Muwakati unji kavili Yesu kuvaumilila avalá kumi na moja uti vàikalenge valya. Nae kutwala kuvashulanga kwamwaa waungakulupila wave na kunanopa kwamitima mwaa vo vangwéne àdyukile, havavakulupidíle.

Lukashi 24:36

Vanavo vavalanganga vinu avi, jo mwene Yesu vangwené vila àimidile shing'ati shave kutwala kuvaulila doni, “Amani ipagwe namu mwenu.”

Lukashi 9:28

Napanelo akatangole malove alo, ling'oto lyakupita ishumana imo, nae aníntwala Patulu, Nshuwau namu Tiyagu kuvaukanavo kulishinga ndashwali.

Nshuwau 11:16

Napanelo Tome, aijá áshimanyika Didimu, andívaulila vavagwe kushidoni, “Leka tuke tukapalange pamo namu nae.”

Nshuwau 14:27

Ninkunnakela amani; amani yangu ninkumupa. Hangunamupa shinu kenga mwaijaulila shilambo. Hamunaushaushange mitima vyenu na hamunajope.

Nshuwau 20:19

Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Nshuwau 21:1

Vikapite avyo, Yesu andílilodya kavili kwavakwoda vake nanyenje litanda lya Tibeliyade. Kulilodya kwake ko kuvé doni,

Nshuwau 21:14

Au uvele mwanda wantatu avaumililila vakwoda vake ling'oto lyakudyuka pakati pavakupela.

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.