Nshuwau 20:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Akatangole davo andívalodya manda ake na mulumbau. Bai vakwoda vandípuwanga namene pavangwene Umu.

Nshuwau 20:20 ပူးပေါင်းရင်းမြစ်များ

Mateu 28:8

Vakongwe avalá vakaumananga shipajelo shosho vatukuta akuno vàvenavo kujopa na lipuwilo likumene, vandyúka ndavamanyiya vakwoda vake.

Nshuwau 16:20

Ninkumwaulila mwiu mwiu doni, mwenu mundalila na mundatangadikanga kanji shilambo shipuwanga. Mundavanavo shipalodi ila shipalodi shenu sho shindava lipuwilo.

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 19:34

Napane mwing'ondo jumo aníntalola Yesu nkushi ndimbau kutwala kuuminneu myadi na medi.

Nshuwau 20:25

Vavagwe kutwala kumwaulila doni, “Tundimwona Umu!” Kanji nae kushidoni, “Nangu ndikanona makwanda amishumali mmakono mwake, ndikanajela shala shangu pavankamadile mishumali na ndikanajela lyanda lyangu mulumbau, hangukulupila.”

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

I Nshuwau 1:1

Lilove lyashingumi jo, andípagwa kutunduvangila kunantandi: wetu nae tundimwigwa, tundimwona na mevo etu, tuninnalyanga shana na tuninkamulanga tuvene kwamakono etu,