Nshuwau 20:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Nshuwau 20:19 ပူးပေါင်းရင်းမြစ်များ

Mateu 10:13

Ikava kenga vanu vaing'ande ayo vandivaikila, amani yenu ipagwe na vanavo. Ikanava davo, amani yo imuujile mmene.

Mateu 18:20

Mwaa poepoe pavakadyanianga vanu vavili kwali vatatu palina lyangu nangu, nangu ngupali popo.”

Malukushi 16:14

Muwakati unji kavili Yesu kuvaumilila avalá kumi na moja uti vàikalenge valya. Nae kutwala kuvashulanga kwamwaa waungakulupila wave na kunanopa kwamitima mwaa vo vangwéne àdyukile, havavakulupidíle.

Nshuwau 14:27

Ninkunnakela amani; amani yangu ninkumupa. Hangunamupa shinu kenga mwaijaulila shilambo. Hamunaushaushange mitima vyenu na hamunajope.

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Nshuwau 21:1

Vikapite avyo, Yesu andílilodya kavili kwavakwoda vake nanyenje litanda lya Tibeliyade. Kulilodya kwake ko kuvé doni,

Nshuwau 21:14

Au uvele mwanda wantatu avaumililila vakwoda vake ling'oto lyakudyuka pakati pavakupela.

Nshuwau 7:13

Kanji napane hapali áshitangola ngala mwaa wakuvajopa vananangalaledi vavayuda.

Vitendo 1:3

Ling'oto lyakupela nae andidyuka na andililodya myanda vyoe kumili kwave na vimanyikilo víkave ntau vyakulilodya nae kuva mumi. Vanavo vandyonanavo muwakati wamaduva alubaini avavalangangila ing'ano yautawala wa Nnungu.

Valoma 15:33

Nnungu waamani apagwe namu mwenu uti. Ame.

I Vakolintu 15:5

doni, andimuumilila Kepashi ling'oto kuvaumilila vamyombe avalá kumi na mbili.

Vaepeshu 2:14

Mwaa jo mwene ni amani yetu. Nae andivatenda vanu vavili kuva shinu shimo na kwaindila yamili wake andibamola lishiti lyapakati, aulá umongo

Vaepeshu 6:23

Amani ipagwe kwavanung'unumunu, namomo linagwaledyo pamo na likulupililo lyakwalakela kumwe Nnungu Atata na kumwe Umu Yesu Klistu.

Vapilipo 1:2

Kwenu mwenu upagwe umonyo na amani vyakwalakela kumwe Nnungu Tatagwetu na kumwe Umu Yesu Klistu.

II Vateshalonika 3:16

Napanelo jo mwene Umu waamani amupe amani muwakati uti na mudinamuna uti. Umu apagwe pamo namu mwenu uti.

Vabalaniya 7:2

Abulaamu anímupa Malikishadeki lipungu lyakumi lyavinu uti. Shitandi lina lyake linkuvanavo mana, “umu waishaliya” namomo avele umu wa ku Shalemu, yani “umu waamani.”

III Nshuwau 1:14

mwaa ninkulindila ngwide shipajelo. Bai apo, tundaambanga mwaa ing'ope kwaing'ope.

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake