Nshuwau 2:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ ila mwene jo hashilikulupidya vanu avo mwaa wakuvamanya shana vanu uti.

Nshuwau 2:24 ပူးပေါင်းရင်းမြစ်များ

Mateu 9:4

Yesu amanya makumbukililo ave andívaulila doni, “Mwaa shani munkukumbukila kunyata mmitima myenu?

Malukushi 2:8

Yesu muntima mwake andímanya ashilá shavashitangadikanga vanavo nadoni andívaudya, “Mwaa shani mwenu munkuvanavo matangadikilo alo mmitima myenu?

Nshuwau 1:42

Bai Andaleya akantwala Simoni kumuukanavo kumwe Yesu. Yesu akannola Simoni ndoo, akamwaulila kushidoni, “Wako lina lyako Simoni mwanagwe Nshuwau. Napane kutunduvangila ambi apa vandakushema Kepashi” (Kepashi kwakuvalangangila kunji, Patulu).

Nshuwau 16:30

Wetu napane ambi tunkumanya kenga wako undimanya kula shinu na haunalindila shinu vanu vakuudyangidye. Napavedoni tunkukulupila kenga walakadilé kumwe Nnungu.”

Nshuwau 21:17

Kutwala kumudya mwanda wantatu, “Simoni mwanagwe Nshuwau, da wako unkungunagwaledya?” Patulu shindímwida shipalodi kwamwaa wakumudya mwanda wantatu doni, “Da wako unkungunagwaledya?” Napanelo anínjang'ula do, “Umu, wako undimanya vinu uti na undimanya kenga nangu ninkukunagwaledya.” Yesu kushidoni, “Valishe vangandolo vangu.

Nshuwau 4:16

Yesu kutwala kushidoni, “Wena ukansheme ntwavo, wide.”

Nshuwau 5:42

kanji nangu ninkummanya shana mwenu kenga linagwaledyo kwa Nnungu hamuvenavo.

Nshuwau 6:15

Yesu akamanye kenga vankwida nantwala kwadimongo vauke vakankamudye shiumu, nae andítila kavili kuka gweka kumashinga.

Nshuwau 6:64

Kanji vapali vanu pakati penu vákakulupila.” Yesu andívamanya tangu kunantandi avalá vákakulupila na kummanya aijá wakunnimya nae

Vitendo 1:24

Kutwala apo vandíshwali vaashidoni, “Umu, wako úmanyite mitima vyavanu uti tulodya wauntandwele pakati pavanu vavili ava

Vitendo 15:8

Nnungu ámanyite mitima vyavanu, andivaumidya vanavo ushuda pakuvapa Imumu Wanashwe kenga mo mwatupalalele wetu.

Vabalaniya 4:13

Hashipali shuumbígwe shilipiídye pamevo pake Nnungu. Uti vivelé mwandwa na palangele pamevo pamwe aijá patulota wetu kwitikanga.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.