Nshuwau 18:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Nshuwau 18:37 ပူးပေါင်းရင်းမြစ်များ

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Mateu 27:11

Napanelo Yesu vandímwimidya pamevo pake nang'olo walijimbo nae kutwala kumudya, “Da wako ni umu wavayuda?” Yesu kushidoni, “Wako ni úvalanganga.”

Malukushi 14:62

Nae kushidoni, “Elo, nangu ni nene. Bai mwenu mundamwona Mwana Wamunu àikele kunkanakono kwake Wadimongo-uti aida mumaundi kuwa.”

Malukushi 15:2

Pilatu kumudya Yesu, “Wako umu wavayuda?” Yesu kushidoni, “Wako ni úvalanganga.”

Lukashi 22:70

Vanavo uti kumudya, “Da napanelo wako po umwanagwe Nnungu?” Nae kushidoni, “Mwenu ni múnguvalanganga.”

Lukashi 23:3

Pilatu kumudya, “Wako ni umu wavayuda?” Yesu kushidoni, “Wako ni úvalanganga.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:17

mwaa Lilamulo lindipatikananga kwaindila imwe Musha; umonyo na umwiu kwida kwaindila imwe Yesu Klistu.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 3:32

Nae ankumya ushuda wavinu vyagwene na vyaigwite kanji hapali munu áitikila ushuda wake.

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Nshuwau 8:14

Yesu akavajang'ula kushidoni, “Ata ikava kenga nangu ninkumya ushuda ngulivalanganga nene nimwene ushuda wangu wìu mwaa nangu ndimanya kwangwalakadile na kwanguka. Mwenu kanji hamumanyite kwangalakadile na ata kwanguka.

Nshuwau 8:45

Doni, kwoda nangu ninkutangola umwiu, mwenu hamungukulupila.

Nshuwau 8:46

Kwaupande washimadambi, wakwashi pakati penu wakunguundukula? Napanelo ikava nangu umwiu ninkutangola, mwaa shani hamunangukulupila shinu?

Nshuwau 8:47

Aijá wa Nnungu, vyatangola Nnungu anáigwa. Nadoni mwenu hamunaigwa shinu mwaa hamuvele vake Nnungu.”

I Timoti 6:13

Ninkukulamulila pamevo pa Nnungu jo áing'a shingumi vinu uti na pamevo pamwe Klistu Yesu áumidye ushuda wambone pamevo pamwe Ponji Pilatu,

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

I Nshuwau 2:21

Shanimwandikidile mwenu i do, hamumanyite umwiu kanji ni kwamwaa mwenu mundimanya na kwamwaa kushang'apa uti hakupali kwalakéla muumwiu.

I Nshuwau 3:14

Wetu tundimanya kenga tundyuma mukupela kuka mushingumi mwaa tunkuvanagwaledya vanung'unumunu. Aijá ákave linagwaledyo ankupagwa nkati mukupela.

I Nshuwau 3:19

Davo tundamanya kenga wetu ni tuvaumwiu, tundatudya mitima vyetu pamevo pake

I Nshuwau 4:6

Kanji wetu apa ni tuvake Nnungu na aijá ámmanyite Nnungu ankutwigwilila, aijá ákavele wa Nnungu hanatwigwilila shinu. Nadoni tunkummanya Imumu waumwiu na imumu wakuduwanga.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu: