Nshuwau 18:32 - Ibibiliya mu Shimakonde Imbodi Yaambi na dimbande dya Imbodi Yakala

³² Avyo vindítandeka pakulota liwikile popo lilove lyatangwéle Yesu avalanganga inamuna yalota kupela nae.

Nshuwau 18:32 ပူးပေါင်းရင်းမြစ်များ

Mateu 20:19

namomo vanankamudya kwavamidi vanniule, vanshape viboko, vankamele panshalaba napane muliduva lyatatu lyake nae andadyuka.”

Mateu 26:2

“Mwenu mundimanya kenga andibakila maduva mavili pakulota kuwika Pasaka. Mwana Wamunu vanankamudya kwavanu pakulota vankamele panshalaba.”

Malukushi 10:33

“Mwenu, tunkuka ku Yelusalemu. Koko ko, Mwana Wamunu vanannimya kunkamudya kumakono kwavanang'olo vavakulangalalela-shadaka na kwavamwalimu vadishaliya. Vovo vo, vandamuukumu apele na vanankamudya kumakono kwavamidi.

Nshuwau 10:31

Bai vayuda vandílakatanga kavili majanga pakulota vamwamange.

Nshuwau 10:33

Vayuda kushidoni, “Wetu hatunalota shinu kukwamanga majanga kwamwaa washinu shoeshoe shambone shautandile, ni kwamwaa wakukupulu. Wako umunu, napane unkulivika kuva Nnungu.”

Nshuwau 13:18

“Nangu namwamba shinu mwenu uti; ndivamanya avalá vandivatandwele kanji ni pakulota awikile popo Maandiko, ‘Aijá áshilya namu nangu andijalukanga kuva mmongo wangu.’

Nshuwau 18:31

Pilatu kushidoni, “Ntwale mmene mukamuukumu kenga mwalitangalela lilamulo lyenu.” Vayuda kushidoni, “Wetu hatuvenavo lilamulo lyakumpambilila munu woewoe.”

Nshuwau 21:19

Yesu andítangola davo amba inamuna yashipalelo shake Patulu mwalota kumpela Nnungu lishangelo. Patangwele doni, animwaulila, “Ngwoda.”

Nshuwau 3:14

Ni kenga momo mwannyanyulidile Musha nyoka munnandi kushimbweshe nanae Mwana Wamunu inimmaikila anyanyuligwe

Nshuwau 8:28

Yesu kutwala kuvaulila kushidoni, “Pamulota kunnyanyula Mwana Wamunu ni pamulota kungumanya kenga Nangu ni Nene. Nangu hangunatenda shinu vinu vyakubuni nene nimwene; ninkutangola avilá vyangupundishidye Atata bai.

Vitendo 7:59

Shiteva akuno vamwamanga majanga, nae ashindakugwa aashidoni, “Umu Yesu pwashalela imumu yangu!”

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”