Nshuwau 17:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Atata Waishaliya, ata ikava kenga shilambo hashikumanyite, nangu ndikumanya na vavéle namu nangu ava, vandimanya kenga wako uningutumidya.

Nshuwau 17:25 ပူးပေါင်းရင်းမြစ်များ

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Lukashi 10:22

Atata aningukamudya vinu uti. Hapali munu junji ámmanyite Mwana pakavele Atata na hapali ámmanyite Atata pakavele Mwana pamo namu aijá walota kummalangangila Mwana.”

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 10:15

kenga mo mwangumanyila nangu Atata, nanangu momo Atata ninkummanya. Nadoni ninkujaula shingumi shangu kwamwaa wavangandolo.

Nshuwau 15:21

Vanavo mwenu vanantenda davo kwamwaa walina lyangu pakuva havammanyite aijá ángutumididye.

Nshuwau 16:27

mwaa jo mwene Atata aju ankunnagwaledya mwenu kwoda mwenu muningunagwaledya nangu na muningukulupila kenga ngwaleké kumwe Nnungu.

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

Nshuwau 16:30

Wetu napane ambi tunkumanya kenga wako undimanya kula shinu na haunalindila shinu vanu vakuudyangidye. Napavedoni tunkukulupila kenga walakadilé kumwe Nnungu.”

Nshuwau 17:11

Hangupagwa shinu kavili mushilambo amu ila vanavo vandapagwa mushilambo; nangu ninkwida kwako. Atata Wakwilimyanga, vashunge mulina lyako, lina ali lyaungupele pakulota vave shinu shimo kenga mwatuvalalele wetu.

Nshuwau 17:18

Mo mwaungutumididye wako mushilambo, nanangu ndivatumidya mushilambo.

Nshuwau 17:21

Vanavo uti vave shinu shimo kenga mo mwaupagwididye wako Atata nkati mwangu na nangu kupagwa nkati mwako. Navanavo momo vave nkati mwetu pakulota shilambo shikulupile kenga wako uningutumidya.

Nshuwau 17:23

nangu ngupagwe nkati mwave, wako upagwe nkati mwangu; vadyavalele muupamo kwambangidya shilambo shimanye doni, wako uningutumidya na unkuvanagwaledya kenga mo mwaungunagwaladyedya nangu.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 17:8

mwaa lilove lyaungupele, nangu ndivapa na vanavo vandipwashalela; vandimanya mwiu kenga nangu ngwalakadilé kwako na vandikulupila kenga wako uningutumidya.

Nshuwau 3:17

Mwaa Nnungu hantumididye mwanagwe mushilambo aukumu shilambo kanji shilambo sho shambwalegwe kwaindila yake nae.

Nshuwau 6:19

Bai vanavo vakatukushe na ding'wau shitamba shavyuluta mwanu kwali sita doni, vanímwona Yesu awena pashanya medi avandikila paingalava kutwala vanavo kujopa namene.

Nshuwau 7:29

napane nangu nimmanya mwaa ngwalakadilé kwake na jojo ni ángutumididye.”

Nshuwau 8:19

Vanavo kutwala kumudya, “Tatako jo avelé kwashi?” Yesu kushidoni, “Mwenu nangu hamungumanyite na ata Atata hamummanyite momo. Leka mùngumanyite ata Atata mukanimmanya.”

Nshuwau 8:55

Mwenu nae hamummanyite, napane nangu ni nímmanyite. Leka ngùtangwele doni hanimmanyite, ndikandiva ninshwang'a kenga mwenu. Nangu kanji nimmanya na lilove lyake, ninkwigwilila.

Vitendo 17:23

mwaa pangupitile ngudingukanga nkaja amu ngulalyanga vyakulipudidya vyenu ndikodya namomo alutali yavaandike doni, ‘Kwannungu Ákamanyika.’ Napane aijá wamulipudya kwabila kummanya ni jojo wanimmalanganga.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Valoma 3:11

hapali munu ámanya, na hapali ánnambela Nnungu.

Valoma 3:26

pakulota alodye ishaliya yake muwakati au na ave waishaliya namomo wakummalangilila ishaliya aijá ánkulupila Yesu.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

Vabalaniya 8:11

Hapali álota kumpundisha kavili nshitanonomwagwe na ata nung'unumunu aashidoni, ‘Mmanye Umu,’ mwaa uti vanavo vanangumanya, kutunduvangila ndyoko na nkulu.

I Nshuwau 1:9

Kanji tukalyaula madambi etu, nae ni wakukulupilika na waishaliya pakulota kutulivaliva madambi etu na kutuushanianga ushapu waungave-shaliya uti.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Maono 16:5

Napanelo ndímwigwa njelo áshaangaikangila medi aashidoni, “Wako ni waishaliya; wako Wakwilimyanga gwegwe úpagwite, we upagwíte, mwaa vinu avi uti undyukumu.