Nshuwau 17:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ “Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

Nshuwau 17:24 ပူးပေါင်းရင်းမြစ်များ

Mateu 25:21

Nang'olo wake kushidoni, ‘Shambone namene! Wako ni untumika shii na wakukulupilika! Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Mateu 25:23

Nang'olo jo kushidoni, ‘Shambone namene! Wako ni untumika shii na wakukulupilika. Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Mateu 26:29

Ninkumwaulila doni, mwiko hangukumbila kavili ugwalwa au wavyepo mpaka muliduva alyo lyangulota kukumbila ugwalwa waambi namu mwenu muutawala umwe Atata.”

Lukashi 12:37

Vandijaligwa vatumika avo valóta kuvakodya nang'olo wave vàvele mevo pauja. Nangu ninkumwaulila mwiu doni, nae andagwalangila pakulota avatumike kutwala kuvaikadyanga pandamu kwida ndavatumika.

Lukashi 23:43

Yesu kushidoni, “Ngwigwa, wako jo nelo aju mwiu undapagwa namu nangu kulyutu lyalipuwilo.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 14:3

Nikauka nampanganiangidya mautu, ninkwida kavili nantwala pakulota apalá panguve nangu namwenu mupagwe popo.

Nshuwau 15:9

“Mo mwangunagwaladyedya Atata nangu ninkunnagwaledya mwenu; pagwa mulinagwaledyo lyangu.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 17:22

Lishangelo lyolyo lyaungupele, nanangu ndivapa pakulota navanavo vave shinu shimo kenga mo mwatuvalalele wetu;

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:39

Napanelo malotelo amwe aijá ángutumididye ni ala, vanu uti vangupele, hanapagwe ata jumo wakungujaika kanji muliduva lyamwisho, ndivadyuwe.

Nshuwau 8:58

Yesu kushidoni, “Ninkumwaulila mwiu mwiu doni, Abulaamu akanava kuvalekwa, Nangu ni Nene.”

I Vakolintu 13:12

Mwenu, ambi tunkwona vila mushilolo kwakudingala kanji mushu mo, tundona mevo kwamevo. Ambi ninkumanya padyoko kanji mushu mo, ndamanya uti kenga mo mwangumanyikila nangu.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

II Vakolintu 5:8

Napane tunkuvanavo ntima shii na inkutunagwela tupagwe kushu kwamili na tupagwe kumwe Umu.

Vapilipo 1:23

Vivili avi viningutita dimumu. Inkungunagwela ngume ndikapagwe namu Klistu mwaa ashi ni shambone namene kupunda apo

I Vateshalonika 4:17

kutwala wetu túvele mushingumi túbakidile, tundatanduligwa pamo na vanavo mumaundi ndakadyania namu Umu kuniania, nadoni tundapagwa namu Umu ngwengwe.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

Maono 21:22

Mo munjini mo hangugwéne ing'ande ya Nnungu mwaa ako, ing'ande ya Nnungu ni Umu Nnungu Wadimongo-uti pamo namu Ngandolo.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.