Nshuwau 17:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ “Nangu navajugwila shinu gweka vanavo; ninkuvajugwila momo uti avalá valóta kungukulupila nangu kwaindila yantenga wave.

Nshuwau 17:20 ပူးပေါင်းရင်းမြစ်များ

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 17:19

Kwamwaa wavanavo nangu ninkulyapulila pakulota navanavo momo valyapulile nkati muumwiu.

Nshuwau 17:21

Vanavo uti vave shinu shimo kenga mo mwaupagwididye wako Atata nkati mwangu na nangu kupagwa nkati mwako. Navanavo momo vave nkati mwetu pakulota shilambo shikulupile kenga wako uningutumidya.

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 4:4

Kanji vanu voe pakati pave vaigwíte lilove, vandíkulupila. Vanu avo vandíwikila shikonda shavalume kenga dyalupu mwanu doni.

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.