Nshuwau 16:32 - Ibibiliya mu Shimakonde Imbodi Yaambi na dimbande dya Imbodi Yakala

³² Mwenu! Wakati unkuwika na wakati wene ni wowo au wavalota kummwadilikanianga kula munu kuka kwing'ande yake. Munanguleka gweka yangu kanji hangunava shinu gweka, Atata apali pamo namu nangu.

Nshuwau 16:32 ပူးပေါင်းရင်းမြစ်များ

Mateu 26:31

Napanelo Yesu ankuvaulila kushidoni, “Mwenu uti shilo sho shanelo ashi munangwambukanga mwaa indyandikigwa doni, “ ‘Nammyaa nkúshunga kutwala dingandolo dyamushipinga asho kumwadilikananga.’

Mateu 26:56

Uti avi vinkutandeka pakulota awikile popo Maandiko avakulava.” Bai vakwoda vake uti vanínneka kutwala kutukutanga.

Malukushi 14:27

Napanelo Yesu andívaulila vakwoda vake kushidoni, “Mwenu uti munangwambukanga mwaa vandyandika doni, “ ‘Nammyaa nkúshunga kutwala dingandolo kumwadilikananga.’

Malukushi 14:50

Bai vakwoda vake uti vanínneka kutwala kutukutanga.

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Nshuwau 16:25

“Vinu avi nditangola kwamikong'o; undawika wakati wandikatangola ngutumila mikong'o, napane kwamwaa umwe Atata nammalangangila ngala.

Nshuwau 16:31

Yesu kutwala kushidoni, “Da napane munkukulupila?

Nshuwau 19:27

kutwala kumwaulila nkwóda jo kushidoni, “Anyoko ajo apo.” Kutunduvangila muwakati wowo wo, nkwóda aijá anímpwashalela kutwala kumuukanavo kwing'ande kwake.

Nshuwau 20:10

Bai vakwoda avalá vandyúja kuka kukaja.

Nshuwau 4:21

Yesu kushidoni, “Ajala ngukulupila, unkwida wakati wamulota kulipudya kwa Tatamunu i palishinga ali na ata ku Yelusalemu.

Nshuwau 4:23

Kanji napane unkuwika wakati na wakati wene wo uwikile wavalota vakulipudya vaiu kulipudya kumwe Tatamunu mwimumu na kwaumwiu. Ni vovo vavalambela Tatamunu valipudye kwake.

Nshuwau 5:25

Nangu ninkumwaulila mwiu mwiu doni, wakati unkuwika na wakati wene ni wowo au wavalota vakupela kwigwa lidi lya Mwana wa Nnungu na avalá vaígwa vo, vandanama.

Nshuwau 5:28

“Malove ala mwenu hamunashange mwaa unkwida wakati wavalota vanu uti vavéle muvyonga kwigwa lidi lyake

Nshuwau 8:16

Ata ikava kenga nangu ninkuukumu, kuukumu kwangu kwìu mwaa nangu hangunava shinu gweka, ninkuva namu Atata ángutumididye.

Nshuwau 8:29

Aijá ángutumididye ankupagwa pamo namu nangu. Nae hananguleka shinu gweka mwaa avilá vinnagwéla, ngwengwe ninkutandedya.”

Vitendo 21:6

Tukalailanange namu vanavo, wetu tundíinjila mwingalava yetu, vanavo kuujila kuding'ande dyave.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.