Nshuwau 15:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:10 ပူးပေါင်းရင်းမြစ်များ

Nshuwau 10:18

Shingumi shangu sho, hapali wakungupoka; nangu ninkujaula nene nimwene. Ninkuvanavo madalaka akujaula na akupata kavili. Lilamulo ali ngupatilé kumwe Atata.”

Nshuwau 12:49

Doni, hangutangwele vyangu nimwene; Atata ángutumididye ni nae ángulamulidile ngutangole nyamani na nguvalangange nyamani.

Nshuwau 14:15

“Mukangunagwaledya, malamulo angu mundaigwilila

Nshuwau 14:21

Munu ávenavo malamulo angu na áigwilila, ajo ni ángunagwaledya. Jo ángunagwaledya nangu jo, Atata anannagwaledya na nangu nannagwaledya kutwala kulilodya kwake.”

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 14:31

kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya. Bai takatukanga, tume apa.

Nshuwau 17:4

Nangu ndikupa lishangelo mushilambo pangumalidile shimadengo uti shaungukamudidye ngutende.

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Nshuwau 8:29

Aijá ángutumididye ankupagwa pamo namu nangu. Nae hananguleka shinu gweka mwaa avilá vinnagwéla, ngwengwe ninkutandedya.”

Nshuwau 8:55

Mwenu nae hamummanyite, napane nangu ni nímmanyite. Leka ngùtangwele doni hanimmanyite, ndikandiva ninshwang'a kenga mwenu. Nangu kanji nimmanya na lilove lyake, ninkwigwilila.

I Vakolintu 7:19

Mwaa kukumuligwa likumbi hakuve mana na ungakumuligwa momo hauve mana kanji shivénavo mana ni kwigwilila malamulo ake Nnungu.

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

II Patulu 2:21

Kudyanga vanavo leka vakamanyite indila yaishaliya kuliko kumanya kutwala kuujila kavili kunyuma na kwambukanga lilamulo lyakwilimyanga lyavaukile ndapwashalela.

I Nshuwau 2:3

Namomo tundimanya kenga tunkummanya nae patwigwilila malamulo ake.

I Nshuwau 2:5

kanji aijá áigwilila lilove lyake, nkati mwake nae, mwiu linagwaledyo lya Nnungu linkuwikila popo. Mwatumanyila kupagwa nkati mwake ni amu,

I Nshuwau 2:6

aijá aashidoni, ankupagwa nkati mwake nae inimmaikila awene kulingana kenga mo mwawanadile Yesu.

I Nshuwau 5:3

Amu ni mwatunnagwaladyedya Nnungu kwaupande wetu: patwigwilila malamulo ake na malamulo ake lo, hanaidopa shinu.

Maono 22:14

Vandyalaligwa avalá vashápa dikanju dyave; nadoni vanavo vandavanavo aki yannandi washingumi na yakwinjilila njini vapitila mumilango vyake.