Nshuwau 14:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Nshuwau 14:26 ပူးပေါင်းရင်းမြစ်များ

Mateu 1:18

Napanelo Yesu Klistu aju, kuvalekwa kwake kuvele doni. Jujumunu Maliya wantamadíle Yoshe pakulota kunnomba kanji vakanava kulambana, Maliya andíimita kwaindila ya Imumu Wanashwe.

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Mateu 3:11

“Nangu mwenu apa, ninkumbatisha na medi kulodya kulijugulanga. Napane ling'oto lyangu nangu ankwida munu wadimongo kungupunda nangu wandikavaidile nangu kumuulanga vilatu vyake. Nae mwenu po, anambatisha na Imumu Wanashwe na moto.

Malukushi 12:36

Jo mwene Daudi alangalalegwa na Imumu Wanashwe atédoni, “Umu andimwaulila Nang'olo wangu doni, ‘Ikala kunkanakono kwangu mpaka nangu ndivavike vamongo vako kumaulu kwako.’

Malukushi 13:11

Vakantwala vamuukanavo nankamudya, hamunangaikange mulambela mwakujang'ulila. Sho shilóta kumwidila muwakati awo mwenu tangola shosho mwaa i mwenu múlota kutangola ila ni Imumu Wanashwe.

Lukashi 1:15

mwaa jojo jo, Umu anankulupila namene. Nae hakumbila shinu ugwalwa wakuma muvyepo na ata shinu shoeshoe shakwambalwisha. Imumu Wanashwe andapagwa namu nae kutunduvangila ata mo mmunda mwanyoke.

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 1:41

Lishabeti paigwite lidi lyake Maliya, mmunda mwake mwana kupikita namene, Lishabeti kunnangalalela Imumu Wanashwe

Lukashi 1:67

Napanelo tatamunu Shakaliya alangalalegwa na Imumu Wanashwe andyáulanga ntenga wake Nnungu aashidoni,

Lukashi 11:13

Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

Lukashi 2:25

Napanelo ku Yelusalemu ko, andípagwa nang'olo jumo wavashinshema Shimiyau; nang'olo aju avele munu waishaliya na wakunjopa Nnungu. Nae ashindalindila kupambadyangigwa kwavanaishilaeli na Imumu Wanashwe andípagwa namu nae.

Lukashi 24:49

Mwenu! Nangu nampalakadyedya shalivikile Atata kanji mwenu pagwa po pa Yelusalemu apa mpaka mupate dimongo dyakwaloka kushanya.”

Lukashi 3:22

kukashimuke, Imumu Wanashwe wakwaneka shana wakuva mwang'unda kushuluka kuntulila mumili kutwala kuwa kwigwinika lidi lishishidoni, “Wako ni umwanangu wapantima, ninkukunnagwaledya namene; kwamwaa wako wako nangu ninkupuwanga namene.”

Nshuwau 1:33

Nangu munu ajo haninammanye leka aijá ángutumile nivape vanu ubatisho mmedi akangwaulidile doni, ‘Munu waulota kumwona Imumu ashuluka kwida ndaikala namu nae, ajo ni jojo álota kuvapa vanu ubatisho mu Imumu Wanashwe.’

Nshuwau 12:16

Kunantandi vakwoda vake havashimanya vinu avi, napane paukile ndapata Yesu lishangelo ni pavakumbukidile doni, vinu avi vindyandikigwa vimwamba nae na vyovyo vyo, vanintenda.

Nshuwau 14:16

na nangu nanjugwa Atata na nae andamupa nkúpambadyanga junji aikale namu mwenu ngwengwe,

Nshuwau 14:25

“Vinu avi nangu nimwaulila panishipagwa namu mwenu

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Nshuwau 16:7

Kanji napane ninkumwaulila mwiu uti doni, kudyanga nangu nguke mwaa ndikanauka, nkúpambadyanga jo hamwidila; nangu ndikauka, nantumidya nae.

Nshuwau 2:22

Napavedoni akadyuke pakati pavakupela, vakwoda vake vandíkumbukila kenga nae andítangola vinu avyo. Nadoni vanavo vandíkulupila Maandiko na lilove lyatangwéle Yesu.

Nshuwau 20:22

Napavedoni, andívavaedya Imumu kutwala kushidoni, “Pwashalela Imumu Wanashwe!

Nshuwau 6:45

Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Vitendo 1:2

mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.

Vitendo 1:4

Pakati pamaduva alo, muliduva limo vàvele pamo, andívaanyalela lilamulo aashidoni, “Hamunatumuke pa Yelusalemu apa; lindila ashilá shalivikile Atata shamungwigwite nimmalangangila.

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 11:16

Nangu kutwala kukumbukilinneu vyawile Umu doni, Nshuwau mwiu andibatisha na medi kanji mwenu mundabatishwa na Imumu Wanashwe.

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 13:4

Napanelo vanavo vàtumigwe na Imumu Wanashwe, vandyálela mpaka pa Selushiya, apo kukwela mwingalava kuka mpaka pashitingi sha Kupulu.

Vitendo 15:28

Imumu Wanashwe pamo na wetu tundyona kuva shambone hatunantike mwenu ligogo ila mutandedye avi vivaikidíle:

Vitendo 15:8

Nnungu ámanyite mitima vyavanu, andivaumidya vanavo ushuda pakuvapa Imumu Wanashwe kenga mo mwatupalalele wetu.

Vitendo 16:6

Vanavo vandípita isemu ya ku Piligiya na ku Galata vakadivililigwa kwa Imumu Wanashwe kuvalanganga lilove ku Ashiya.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Vitendo 28:25

Napavedoni vàpagwite mukutaukananga shivenevene, Paulu andívaulila vaumanange atangola lilove limo, “Imumu Wanashwe anditangola viu na vanakuluvenu kwaindila imwe nkúlava Ishaiya

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

Vitendo 7:51

Kukumalilila Shiteva kushidoni, “Mmanu mmaimbeve, múkakumuligwe mmitima na kumatu, múmpinga ngwengwe Imumu Wanashwe. Kenga mo mwavatandalele vanyakalavenu, namwenu momo munkutandela momo.

Vitendo 7:55

Kanji Shiteva pamuumbele Imumu Wanashwe, andílola kuwa ndoo kutwala kwona lishangelo lyake Nnungu na kumwona Yesu àimidile kunkanakono kwake Nnungu.

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

I Vakolintu 12:3

Nadoni ninkumwaulila mwenu doni, hapali wakutangola alangalalegwa kwa Imumu wake Nnungu aashidoni, “Yesu alaanike,” na hapali wakuulula kushidoni, “Yesu ni Umu,” pakalangalalegwa kwa Imumu Wanashwe.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

II Vakolintu 13:14

Umonyo umwe Umu Yesu Klistu, linagwaledyo lyake Nnungu na upamo wa Imumu Wanashwe vipagwe namu mwenu uti.

II Vakolintu 6:6

kwaungave-ushapu, kwalimanyilo, kwakulipililila, kwalitananilo, kwa Imumu Wanashwe, kwalinagwaledyo líkave shinankulaba,

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

Vaepeshu 1:17

Ndájugwa doni, Nnungu umwe Umu wetu Yesu Klistu, Tatamunu Walishangelo, amupe imumu yalimanyilo na yamaono nkati mukummanya shana nae

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.

II Timoti 1:14

Ashilá shambone shaukile ndakulupilika, shunga kwa Imumu Wanashwe ánama nkati mwetu.

Titu 3:5

i kwamwaa wavitendo vyetu vyaishaliya vyatutandile kanji kwamwaa washididi shake, nae anditwambola kwaindila yakuukangigwa kwakuvalekwa kwaambi na kudyuwangigwa kwa Imumu Wanashwe

Vabalaniya 10:15

Namomo Imumu Wanashwe ankwing'a ushuda kwetu wetu, shitandi ankushidoni,

Vabalaniya 2:4

akuno Nnungu aumya ushuda kwaindila yavimanyikilo, vyakutikinikanga na vyamakango vyoe pamo na vyajo vya Imumu Wanashwe vyajavile kulingananavo malotelo ake.

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

Vabalaniya 9:8

Doni, Imumu Wanashwe ankulodya ìpagwite avi isemu itandi, indila yuka Lyutu Lyakwilimyanga-uti hainava kuunguligwa.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

I Nshuwau 2:20

Mwenu napane munkuvanavo kupakigwa kumwe Wakwilimyanga na mwenu uti munkuvanavo limanyilo.

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

I Nshuwau 5:7

Vapali vatatu vaumya ushuda:

Yudashi 1:20

Kanji napane mwenu mmakunagwaleka, mulidenga nkati mulikulupililo lyenu lyakwilimyanga-uti, mushwalya nkati mu Imumu Wanashwe,

Maono 2:11

“ ‘Ávenavo matu, aigwe vyatangola Imumu na maganisha. Nkútema, mwiko hashintandeka shinu mukupela kwambili.’ ”