Nshuwau 14:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 14:13 ပူးပေါင်းရင်းမြစ်များ

Mateu 21:22

Namomo shinu shamulota kujugwa kwaindila yakushwali, mukakulupila mundapata.”

Mateu 7:7

“Jugwa mundapata, lambela mundona na taa odi vananshimulila.

Malukushi 11:24

Napavedoni ninkumwaulila, uti vyamulota kujugwa kwaindila yakushwali kulupila kenga mundipata nadoni vindakutandakela momo.

Lukashi 11:9

“Napavedoni nangu ninkumwaulila doni, “Jugwa mundapata, lambela mundona, taa odi mundapita;

Nshuwau 10:30

Nangu namu Atata tunkuva shinu shimo.”

Nshuwau 12:44

Napanelo Yesu andítangola pashanya po aashidoni, “Aijá ángukulupila nangu, hanangukulupila shinu nangu, ankunkulupila aijá ángutumididye.

Nshuwau 13:31

Ling'oto lyakuma Yudashi, Yesu andítangola doni, “Ambi apa Mwana Wamunu ankupata lishangelo na Nnungu ankupata lishangelo nkati mwake.

Nshuwau 14:14

Mukangujugwa shoeshoe palina lyangu, nangu ndatandedya.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

Nshuwau 15:7

Mwenu mukapagwa nkati mwangu, malove angu kupagwa nkati mwenu, shoeshoe shamulota, jugwa na vinantandakela momo.

Nshuwau 16:23

Muliduva alyo hashipali shamulota kungudya. Nangu ninkumwaulila mwiu doni, shoeshoe shamunjugwa Atata palina lyangu, nae andamupa.

Nshuwau 16:26

Muliduva alyo mundajugwa palina lyangu. Hangunatangola shinu kenga nangu nanjugwila kumwe Atata

Nshuwau 16:7

Kanji napane ninkumwaulila mwiu uti doni, kudyanga nangu nguke mwaa ndikanauka, nkúpambadyanga jo hamwidila; nangu ndikauka, nantumidya nae.

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 7:37

Napanelo muliduva lyashidududu, liduva likumene lyakumalilanga shikukulu, Yesu andítakatuka kwimila kutwala kutangola pashanya po aashidoni, “Akapagwa ínkadile inyota, aide kwangu akumbile.

I Vakolintu 14:13

Napavedoni, aijá átangola inangodi yaambi, inimmaikila ashwali apate lyululilo lyakuvalangangilila.

Vaepeshu 2:18

doni, kwaindila yake nae wetu tuvavili tunkuulula kumuukila Atata nkati mu Imumu jumo.

Vaepeshu 3:12

Nkati mwake nae, wetu tunkuvanavo ntima shii na litala lyakumuukila Nnungu tulyamini kwalikulupililo lyatuvenavo kwake nae.

Vaepeshu 3:14

Ni ashi shitádya nguguguvale pamevo pa Tatamunu,

Vapilipo 4:13

Uti ninkuulula kutandedya nkati mwake aijá ángupa dimongo.

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

Vabalaniya 13:15

Nadoni kwaindila imwe Yesu tumuumidye ngwengwe Nnungu shadaka shakuntumbyanga vìvele vyepo vyadindomo divalangánga lina lyake.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.

Tiyagu 5:16

Napavedoni, valanganila madambi enu na shwalyanidya pakulota mupone. Kushwali kwamunu waishaliya kunkuvanavo dimongo dyakutandeka vinu vyoe.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Nshuwau 3:22

na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.

I Nshuwau 5:14

Au ni ntima shii watuvenavo kwa Nnungu: patujugwa kwodananavo malotelo ake, nae ankutwigwa.