Nshuwau 14:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Da wako po haunakulupila shinu kenga nangu ninkupagwa nkati mumwe Atata na Atata kupagwa nkati mwangu nangu? Malove animmalangangila hanava shinu akubuni nene nimwene; Atata ápagwa nkati mwangu ni átandedya vinu vyake avi.

Nshuwau 14:10 ပူးပေါင်းရင်းမြစ်များ

Nshuwau 10:30

Nangu namu Atata tunkuva shinu shimo.”

Nshuwau 10:38

kanji ikava ninkutandedya, ata mukanangukulupila nangu, bai kulupila kwavinu vyangutenda vyo pakulota mumanye na muke mushu mumanya kenga Atata ankupagwa nkati mwangu na nangu nkati mumwe Atata.”

Nshuwau 11:26

Kula munu ánama na ángukulupila nangu, mwiko hapela. Dashi wako unkukulupila malove ala?”

Nshuwau 12:49

Doni, hangutangwele vyangu nimwene; Atata ángutumididye ni nae ángulamulidile ngutangole nyamani na nguvalangange nyamani.

Nshuwau 14:11

Ngukulupila kenga ninkupagwa nkati mumwe Atata na Atata kupagwa nkati mwangu, kwali mene, kwamwaa wa vyo vinu vyene, kulupila.

Nshuwau 14:20

Muliduva alyo mwenu mundamanya kenga nkati mumwe Atata ngupali nangu, nkati mwangu mwenu mupali na nkati mwenu, ngupali nangu.

Nshuwau 14:24

Aijá ákangunagwaledya, malove angu hanaigwilila. Mwenu! Malove amwigwite, hanava shinu angu; amwe Atata ángutumididye.

Nshuwau 17:8

mwaa lilove lyaungupele, nangu ndivapa na vanavo vandipwashalela; vandimanya mwiu kenga nangu ngwalakadilé kwako na vandikulupila kenga wako uningutumidya.

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 5:17

Napane Yesu kuvaulila doni, “Atata ankukola madengo mpaka ambi, nadoni nanangu momo ninkukola.”

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 7:16

Yesu akavajang'ula kushidoni, “Mapundisho ángumya nangu, hanava shinu angu nimwene; amwe aijá ángutumididye.

Nshuwau 8:28

Yesu kutwala kuvaulila kushidoni, “Pamulota kunnyanyula Mwana Wamunu ni pamulota kungumanya kenga Nangu ni Nene. Nangu hangunatenda shinu vinu vyakubuni nene nimwene; ninkutangola avilá vyangupundishidye Atata bai.

Nshuwau 8:38

Avilá vyangugwene nangu kumwe Atata ni vyanguvalanganga; napane vyamwigwite mwenu kwatatagwenu, ni vyovyo vyamutenda.”

Nshuwau 8:40

Napane munkulambela mungubyae, nimunu nímwaulidile umwiu, wowo wangwigwite kwa Nnungu. Avi Abulaamu hatandile!

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

II Vakolintu 5:19

yani Nnungu andípagwa nkati mumwe Klistu atadya shilambo shiigwane namu jo mwene pakavavalangilila kupujungula kwave na atukamudya ntenga waliigwilanilo.

Vakoloshu 1:19

mwaa Nnungu ininnagwela kuumbaligwa kwake uti kuname nkati mwake nae

Vakoloshu 2:9

Mwaa nkati mwake nae, kuumbaligwa uti kwaunnungu kunkunama mumili.

I Nshuwau 5:7

Vapali vatatu vaumya ushuda: