Nshuwau 13:33 - Ibibiliya mu Shimakonde Imbodi Yaambi na dimbande dya Imbodi Yakala

³³ “Mmanavangu, undibakila wakati padyoko wakupagwa namu mwenu. Munangulambela napane kenga mo mwandivaulidile vayuda, ambi apa ninkumwaulila mwenu, ‘Kwanguka nangu mwenu hamuulula kuka.’

Nshuwau 13:33 ပူးပေါင်းရင်းမြစ်များ

Nshuwau 13:36

Simoni Patulu kutwala kumudya, “Da Nang'olo, ulota kuka kwashi?” Yesu kushidoni, “Kwanguka nangu, ambi apa mwenu hamuulula kungwoda ila mushu mo, munangwoda.”

Nshuwau 14:19

Undiijalila wakati padyoko shilambo hashingwona ila mwenu munangwona. Kwoda nangu ninkunama, namwenu momo mundanama.

Nshuwau 14:2

Kukaja kumwe Atata apali mautu oe namene. Leka ikavele davo, nikanimwaulila. Doni, ninkuka nampanganiyangidya mautu.

Nshuwau 7:36

Amba nyamani patangola doni, ‘Munangulambela kanji hamungupata na apalá pangulota kupagwa nangu mwenu po, hamuulula kwida’?”

Vagalata 4:19

Mmanavangu, mwemwe mmanimuvauvangila kavili mauvilo alalá akuvaleka mpaka Klistu aliikiniye kwenu,

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Nshuwau 5:21

Mmanavangu, lishunge kwavannungu vakushang'apa.