Nshuwau 13:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Nangu ninkumwaulila mwiu mwiu doni, ntumika hanampunda nang'olo wake na ata wavantumile kumpunda aijá ántumile.

Nshuwau 13:16 ပူးပေါင်းရင်းမြစ်များ

Lukashi 6:40

Nkwóda hanamanya mpaka kumpunda aijá ámpundisha kanji nkwóda woewoe akalipundisha shana ava kenga jo mwene ámpundisha.

Nshuwau 15:20

Kumbukila malove animwaulidile, ‘Ntumika hanampunda nang'olo wake.’ Ikava kenga vaningupapata, namwenu momo vanampapata na ikava kenga vandiigwilila lilove lyangu, namwenu momo lyenu lyo, vandaigwilila.

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

II Vakolintu 8:23

Kwaupande umwe Titu, nae po ni nyangu na mmádengomwangu kwamwaa wenu mwenu. Kwaupande wavanung'unumunu vanji vo, vanavo ni vakutumigwa vamaganisha, àvele lishangelo lyake Klistu.

Vapilipo 2:25

Kanji napane ndyona do, indivaikila nintumidye kwenu mwenu Epapoloditu, mwanetu, mmádengomwangu na mwing'ondomwangu, jo wamuntumile mwenu na ntumika wa avilá vyangulota nangu