Nshuwau 12:49 - Ibibiliya mu Shimakonde Imbodi Yaambi na dimbande dya Imbodi Yakala

⁴⁹ Doni, hangutangwele vyangu nimwene; Atata ángutumididye ni nae ángulamulidile ngutangole nyamani na nguvalangange nyamani.

Nshuwau 12:49 ပူးပေါင်းရင်းမြစ်များ

Nshuwau 14:10

Da wako po haunakulupila shinu kenga nangu ninkupagwa nkati mumwe Atata na Atata kupagwa nkati mwangu nangu? Malove animmalangangila hanava shinu akubuni nene nimwene; Atata ápagwa nkati mwangu ni átandedya vinu vyake avi.

Nshuwau 14:24

Aijá ákangunagwaledya, malove angu hanaigwilila. Mwenu! Malove amwigwite, hanava shinu angu; amwe Atata ángutumididye.

Nshuwau 14:31

kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya. Bai takatukanga, tume apa.

Nshuwau 15:15

Haninshema kavili kuva mmatumika mwaa ntumika hanamanya shatenda nang'olo wake; mwenu napane ninkunshema kuva mmavangu mwaa uti vyangwigwite kumwe Atata, nintadya mumanye.

Nshuwau 17:8

mwaa lilove lyaungupele, nangu ndivapa na vanavo vandipwashalela; vandimanya mwiu kenga nangu ngwalakadilé kwako na vandikulupila kenga wako uningutumidya.

Nshuwau 3:11

Ninkukwaulila mwiu mwiu, shatumanyite ni shatutangola, shatugwene ni shatumya ushuda kanji ushuda wetu hamunakulupila shinu.

Nshuwau 3:32

Nae ankumya ushuda wavinu vyagwene na vyaigwite kanji hapali munu áitikila ushuda wake.

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 5:30

“Nangu hangunaulula kutenda shinu shoeshoe shakubuni nene nimwene. Mwangwigwidya nangu ni mwanguukumila na kuukumu kwangu kunkuvanavo shaliya mwaa hangunatenda shinu mwangulatela nimwene ila ninkutenda mwalatela aijá ángutumididye.

Nshuwau 6:68

Simoni Patulu kutwala kunjang'ula aashidoni, “Nang'olo, wetu tuka kumwe nyani? Wako ni úvenavo malove ashingumi shíkamalilika.

Nshuwau 7:16

Yesu akavajang'ula kushidoni, “Mapundisho ángumya nangu, hanava shinu angu nimwene; amwe aijá ángutumididye.

Nshuwau 8:26

Nindivanavo vyoe vyakutangola na vyakumuukumu mwenu; napane i nangu gweka, aijá ángutumididye ni waumwiu na ashilá shanimwigwite nae ni shosho shanguvalangangila shilambo.”

Nshuwau 8:28

Yesu kutwala kuvaulila kushidoni, “Pamulota kunnyanyula Mwana Wamunu ni pamulota kungumanya kenga Nangu ni Nene. Nangu hangunatenda shinu vinu vyakubuni nene nimwene; ninkutangola avilá vyangupundishidye Atata bai.

Nshuwau 8:42

Yesu kuvaulila doni, “Nnungu leka àvele tatagwenu mukaningunagwaledya nangu mwaa nangu ngwaleké kwa Nnungu na ndida kwamwaa wake. Hangwidile kwakubuni nimwene, nae ni ángutumididye.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,