Nshuwau 1:50 - Ibibiliya mu Shimakonde Imbodi Yaambi na dimbande dya Imbodi Yakala

⁵⁰ Yesu akanjang'ula kushidoni, “Da kwamwaa wakukwaulila ndikugwene ùvele mwina nkungu, ni paukulupila? Bai undona vinu vikumene kupunda avi.”

Nshuwau 1:50 ပူးပေါင်းရင်းမြစ်များ

Mateu 13:12

Kula munu ávenavo vandamwanjadyedya kuvanavo vyoe. Ákavenavo ata sho shavenavo sho, vanampoka.

Mateu 21:19

Bai akone nnandi uvéle mwankuju nanyenje indila nae kuukila mene kukodya shinu ila mamba gweka nae kushidoni, “Unnandi wako, mwiko haunape kavili.” Nnandi muwakati wowo wo, kujuminneu.

Mateu 25:29

Kula ávenavo vandamupa na andavanavo kupunda apo. Napane aijá ákavenavo, ata sho shavenavo sho, vanampoka.

Lukashi 1:45

Undijaligwa mwaa wako undikulupila vyavakwaulidile vilóta kutandeka vyalakela kumwe Umu.”

Lukashi 7:9

Yesu akaigwe malove ala, anínshanga munu ajo; nae kushiliuka kutwala kwaulila imbumba yavanu íshimwoda kushidoni, “Ninkummanyiya ngala doni, ata mo muvanaishilaeli, hangunava kukodya likulupililo kenga ali.”

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 1:51

Nae kuka mushu aashidoni, “Ninkumwaulila mwiu uti doni, mundona kuwa kùshimwike na vanjelo va Nnungu vakwela na vashuluka mu Mwana Wamunu.”

Nshuwau 11:40

Yesu, “Da nangu handikwaulidile doni, ukakulupila undona lishangelo lyake Nnungu?”

Nshuwau 20:29

Yesu kutwala kumwaulila doni, “Ukulupila mwaa wakungwona? Vaalaligwe avalá vákagwene kanji vandikulupila.”