Nshuwau 1:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Nshuwau 1:29 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Nshuwau 1:35

Palyamba lyake Nshuwau andípagwa kavili pamo na vakwoda vake vavili.

Nshuwau 1:36

Pamwonite Yesu apita andítangola doni, “Mwenu! Ngandolo wa Nnungu aju.”

Nshuwau 1:43

Palyamba lyake Yesu andyámuwa kuujila ku Galileya. Napanelo ankumwona Pilipo ankumwaulila doni, “Ngwoda!”

Nshuwau 2:1

Muliduva lyantatu shindítandeka shikukulu shashitamo ku Kanaa ya ku Galileya na koko ko, andípagwa anyoke Yesu.

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Nshuwau 4:42

Vanavo vanímwaulila nkongwe kushidoni, “Munu aju wetu hatunankulupila shinu kwamwaa wamalove ako wako mwaa ata wewe tuvene tundimwigwa na tunkumanya kenga aju mwiu ni Mwamboli wamushilambo.”

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Vitendo 13:39

kwaindila yake nae kula munu ákulupila, ankuvalangiligwa ishaliya.

Vitendo 8:32

Napanelo lipungu lyamaandiko lyashishomya lishishidoni, “Vanintwala kenga mwavanantwalila ngandolo wavamuukanavo kukunshinda, mo mwanamalalila ngandolo pavankaja magwimbu, nanae momo hajamwile ikanywa.

I Vakolintu 15:3

Mwaa nangu nimpalakadyedya kenga shinu shitandi shamana ashilá shangupatile nangu momo: doni, Klistu andipela kwamwaa wamadambi etu kwodananavo Maandiko;

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

I Timoti 2:6

ályumidye jo mwene kuva lyambolelo kwaupande wavanu uti. Au ni ushuda uukíle ndatandeka muwakati wake.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Nshuwau 2:2

Nae ni shadaka shakudimanga shitundi shake Nnungu kwamwaa wamadambi etu kanji i kwamwaa wamadambi etu gweka, namomo madambi amushilambo uti.

I Nshuwau 3:5

Mwenu mundimanya kenga nae andída pakulota aushaniange madambi na nkati mwake nae halipali lidambi.

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Maono 14:1

Mwe! Ndikalole, ndímwona Ngandolo àimidile palishinga lya Shiyau pamo na vanu imiya imo alubaini na nsheshe alupu vaandikígwe pavyenye vyave lina lya Ngandolo na lya Tatamunu.

Maono 14:10

namomo andakumbila vinyu vyakushimwa kwake Nnungu vyavamiminidile muluwene lwashitundi shake bila kudimulanga. Leka apo, jojo jo andauvauvanga moto na ipataki pamevo pavanjelo vakwilimyanga na pamevo pa Ngandolo;

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.

Maono 15:3

akuno vaimba lwimu lumwe Musha ntumika wake Nnungu na lwa Ngandolo: “Makango, vitendo vyako, vìkumene, Umu Nnungu Wadimongo-uti. Dindila dyaishaliya dyaumwiu, dyàko, Umu wavenentete.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 19:7

Tuke tupuwange! Tulitamange, tumupe lishangelo! Mwaa undiwika wakati washitamo shimwe Ngandolo, nkúlombwa andilipanganianga tayali.

Maono 19:9

Njelo kutwala kungwaulila doni, “Andika: Vandyalaligwa avalá valalikígwe kupagwa pandamu washitamo shimwe Ngandolo!” Kavili kungwaulila kushidoni, “Ala ni malove aumwiu ake Nnungu.”

Maono 21:14

Lishiti lyalingongo lyanjini awo, vadangile pashanya majanga kumi na mbili; namomo pashanya pakula lijanga, vandyándika lina limo pakati pamena a avalá vamyombe kumi na mbili vamwe Ngandolo.

Maono 21:27

Mwanavo, mwiko shinu shishapu hashiinjila, ata munu átandedya vyakudabukanga kwali vyakushang'apa; ila vandainjila bai avalá vaandikígwe mena ave mulibuku lyashingumi limwe Ngandolo.

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”

Maono 5:6

Ling'oto ndímwona Ngandolo áshaaneka kenga andibyaigwa àimidile shing'ati shiteng'u vàntang'anadidye viumbi nsheshe na avalá vanang'olo. Jojo jo, andívanavo dimembe saba na mevo saba, alo ankwitika kuva dimumu saba dya Nnungu dyatumididye mushilambo uti.

Maono 5:8

Akapwashalele, avilá viumbi nsheshe pamo namu avalá vanang'olo ishilini na nsheshe vandíguguvalanga mpaka vyenye kundondya pai mushu mwa Ngandolo. Kula munu pakati pave andívanavo kanyembe na midamu vyashaabu vyakuumbala lubani, vyanavo ni kushwali kwavakwilimyanga.

Maono 6:1

Napanelo ndímwona Ngandolo ánamatula ishelu itandi pakati pa adilá saba. Kutwala kumwigwa jumo pakati pa avilá viumbi nsheshe átangola lidi lyakuva kenga ing'uva aashidoni, “Ida!”

Maono 6:16

vatangalela mashinga na majanga kushidoni, “Tubulikidya utupiye kwambangidya hatunone ing'ope imwe aijá áikele pashiteng'u namomo utupiye mushitundi shake Ngandolo.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”