Mateu 9:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napane pakulota mumanye doni, Mwana Wamunu ankuvanavo madalaka akulivalivila madambi mushilambo amu…” andímwaulila wakudidimanga jo kushidoni, “Takatuka! Twala igoli yako uke kwing'ande kwako.”

Mateu 9:6 ပူးပေါင်းရင်းမြစ်များ

Mateu 4:24

Nadoni shimbili shake shindyúmanikanga mushilambo uti sha Shiliya, venentete vashindavaidanavo kwake nae vanu vavénavo mauvilo akuvilingananga na malwele, vamajini, vashalala na vakulamala kutwala nae kuvaponia.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Mateu 9:2

Mwe! Popo po, vanu kumwidanavo munu wakudidimanga mili vànadidye mwigoli. Yesu pagwene likulupililo lyave, andímwaulila wakudidimanga jo kushidoni, “Mwanangu lyunge ntima! Madambi ako andilivalivika.”

Mateu 9:5

Shakwashi shíkakamadyenge kutangola? Ni kushidoni, ‘Madambi ako andilivalivika,’ kwali kushidoni, ‘Takatuka twala mwanda uke’?

Mateu 9:7

Nae kutakatuka kuka kwing'ande kwake.

Malukushi 2:10

Bai pakulota mumanye doni Mwana Wamunu ankuvanavo mushilambo amu madalaka akulivaliva madambi,” andímwaulila wakudidimanga madodo jo,

Malukushi 2:7

“Da munu aju mwaa shani ankutangola davo? Aju ankukupulu! Ánaulula kulivaliva madambi ni gweka Nnungu bai.”

Lukashi 5:21

Napanelo vamwalimu vadishaliya pamo na mapalishayo vandyánjanga kuudyania shivenevene vaashidoni, “Aju avelé kenga nyani, átangola malove akukupulu aju? Tukanneka Nnungu, nyani junji áulula kulivaliva madambi amunu?”

Nshuwau 10:28

Avalá vangwóda nangu, ninkuvapa shingumi shíkamalilika, vovo vo mwiko havajaika na hapali wakungupoka mmakono mwangu.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 5:27

na andimupa madalaka akuukumu mwaa nae ni Mwana Wamunu.

Nshuwau 5:8

Yesu kushidoni, “Takatuka, twala litandiko lyako utwale mwanda uke!”

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Vitendo 9:34

kutwala Patulu kumwaulila doni, “Eniyashi! Yesu Klistu ankukuponia. Takatuka upindange litandiko lyako!” Eniyashi kutakatukinneu.

II Vakolintu 2:10

Napane aijá wamunnivaliva mwenu kwashinu shoeshoe, nanangu momo nannivaliva. Mwaa shangulivalidile ikava kenga shipali shakulivaliva, asho ndilivaliva kwamwaa wenu pamevo pake Klistu

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

Vaepeshu 4:32

Tananana na ava mmashididi mulivalilanila kulingana kenga mo mwannivalidile mwenu Nnungu nkati mumwe Klistu.

Vakoloshu 3:13

Pililanila na ikava kenga jumo ankuvanavo shakukashali kwamunu junji, napane pakuva Umu aninnivaliva mwenu namwenu momo livalilanila.