Mateu 9:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Yesu amanya makumbukililo ave andívaulila doni, “Mwaa shani munkukumbukila kunyata mmitima myenu?

Mateu 9:4 ပူးပေါင်းရင်းမြစ်များ

Mateu 12:25

Yesu amanya makumbukililo avo andívaulila kushidoni, “Kula utawala ukalijavanianga ubyaananga shivenevene, utawala awo undatimbikanga. Haupali njini kwali likola lilijavaniánga kutandana ing'ondo shivenevene lilóta kulikukumula.

Malukushi 12:15

Nae amanya avi shinankulaba shave, andívajang'ula kushidoni, “Mwaa shani munkungulinga? Ngupa yela imo ngulole!”

Malukushi 2:8

Yesu muntima mwake andímanya ashilá shavashitangadikanga vanavo nadoni andívaudya, “Mwaa shani mwenu munkuvanavo matangadikilo alo mmitima myenu?

Lukashi 11:17

Kanji Yesu amanya makumbukililo ave, andívaulila kushidoni, “Shilambo shoeshoe shavabyaananga shivenevene, shinábamoka na valikola vapwatána shivenevene, likola lyave linátimbikanga.

Lukashi 5:22

Yesu nae akamanye makumbukililo ave, andívajang'ula kushidoni, “Mutangadikanga nyamani mmitima myenu mo?

Lukashi 6:8

Kanji nae amanya makumbukililo ave, andímwaulila munu wakudidimanga nkono kushidoni, “Takatuka wimile shing'ati!” Nae kutakatuka kwimila.

Lukashi 7:40

Kanji Yesu andímwaulila kushidoni, “Simoni! Shipali shinu shangulota kukwaulila wako.” Simoni, “Shinu shani mwalimu?”

Nshuwau 16:19

Yesu andívamanya kenga vashilota kumudya, nae kutwala kuvaudya, “Da muudyania malove lo angutangwele doni, ‘Muwakati padyoko hamungwona; muwakati padyoko kavili, munangwona?’

Nshuwau 16:30

Wetu napane ambi tunkumanya kenga wako undimanya kula shinu na haunalindila shinu vanu vakuudyangidye. Napavedoni tunkukulupila kenga walakadilé kumwe Nnungu.”

Nshuwau 21:17

Kutwala kumudya mwanda wantatu, “Simoni mwanagwe Nshuwau, da wako unkungunagwaledya?” Patulu shindímwida shipalodi kwamwaa wakumudya mwanda wantatu doni, “Da wako unkungunagwaledya?” Napanelo anínjang'ula do, “Umu, wako undimanya vinu uti na undimanya kenga nangu ninkukunagwaledya.” Yesu kushidoni, “Valishe vangandolo vangu.

Nshuwau 6:61

Yesu amanya shintimatima kenga vakwoda vake vankutangadikanga kwamwaa wavinu avyo, andívaudya, “Da vinu avi vinkunnyatila?

Nshuwau 6:64

Kanji vapali vanu pakati penu vákakulupila.” Yesu andívamanya tangu kunantandi avalá vákakulupila na kummanya aijá wakunnimya nae

Vitendo 5:9

Patulu kutwala kushidoni, “Ivelé dashi mwenu kuunganila kunninga Imumu umwe Umu? Lola, vanemba vavéle pannango vo, vauja kukunshika ntwavo, nawako vandakunyukata momo.”

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.