Mateu 9:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Yesu kushidoni, “Ilota kuulukika dashi vanu vakulalikigwa pashitamu kuvanavo shipalodi mwene nkúlomba àpagwite popo? Undawika wakati wavalota kumumya nkúlomba pakati pave. Bai apo ni pavalota kunga.

Mateu 9:15 ပူးပေါင်းရင်းမြစ်များ

Mateu 9:14

Napanelo vakwoda vake Nshuwau vandímuukila Yesu ndamudya, “Wetu pamo na mapalishayo tundáunga, kushi vakwoda vako me havanaunga?”

Mateu 9:16

Hapali ánatwala shipande shainguvo íkalikukutike kutenda shivamba mwinguvo yakala. Mwaa shosho sho shindalakananga na inguvo yakala kutwala lilanga lyo kumamodya.

Malukushi 2:19

Nae kushidoni, “Da inkuululika vambodi valalikígwe pashitamo kunga mwene nkúlomba àpagwite popo? Muwakati nkúlomba àpagwite namu vanavo hainaululika shinu kunga.

Malukushi 2:20

Undawika wakati, wakati wavalota kumumya nkúlomba pakati pave; ni wakati au wavalota vanavo kunga.

Lukashi 17:22

Nae kutwala kuvaulila vakwoda vake kushidoni, “Unkwida wakati wamulota kunnagwela mwone kananga liduva limo vela pakati pamaduva a Mwana Wamunu kanji hamwona.

Lukashi 5:34

Yesu kushidoni, “Da mwenu, vanu vavalalike pashitamo mwene nkúlomba àpagwite namu vanavo, nyani álota kuvatenda vaunge?

Lukashi 5:35

Undawika wakati wavalota kumumya nkúlomba pakati pave; ni wakati au wavalota vanavo kunga.”

Nshuwau 16:6

Doni, kwoda nimwaulila davo, mmitima myenu mo shinimuumbala shipalodi.

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

Vitendo 14:23

Namomo mumaganisha uti avashipita, vashindavatandola vanang'olo; ling'oto lyakushwali na kunga vashindavavika vakwoda uti mmakono mwake Umu wavankulupidile.

I Vakolintu 7:5

Hamunaimane aki yenu kwali paikava yakwigwania muwakati padyoko pakulota muliikiniye mukushwali. Ling'oto imang'ananga kavili pakulota Shatwani hanantubye kwamwaa wakumwova kulishunga mwemwe mmene.

II Vakolintu 11:27

mushimadengo shakupwateka, shilo myanda vyoe bila lwono, mwindala na mwinyota, mukwova shakulya myanda vyoe, mukudidima imepo na muwou.

Maono 19:9

Njelo kutwala kungwaulila doni, “Andika: Vandyalaligwa avalá valalikígwe kupagwa pandamu washitamo shimwe Ngandolo!” Kavili kungwaulila kushidoni, “Ala ni malove aumwiu ake Nnungu.”

Maono 21:2

Namomo ndyóna njini wakwilimyanga Yelusalemu yaambi ishuluka kuwa kwa Nnungu kenga nkúlombwa wavampanganiyenge na kunnemya shana auka kwantwagwe.