Mateu 8:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Yesu kutwala kumwaulila kushidoni, “Wako, haunamwaulile munu ila wena ukalilodye kwankúlangalalela-shadaka, umye shadaka shalamulidile Musha pakulota uve ushuda kwavanavo.”

Mateu 8:4 ပူးပေါင်းရင်းမြစ်များ

Mateu 10:18

Vandamuukanavo kwavanang'olo vamajimbo na kwavaumu kwamwaa wangu nangu pakulota muve mmashuda vangu kwavanavo na kwavamidi.

Mateu 16:20

Bai nae andívaduma vakwoda vake pakulota havanammalangange kwamunu woewoe.

Mateu 17:9

Pavashishuluka palishinga apalá Yesu andívaleya vakwoda vake vo doni, “Hamunamwaulile munu vyamugwene avilá mpaka padyuka Mwana Wamunu pakati pavakupela.”

Mateu 3:15

Yesu kutwala kunjang'ula kushidoni, “Kwaambi apa leka ive yadavo mwaa indituvaikila tuwishe popo ishaliya uti.” Nshuwau kwitikila.

Mateu 5:17

“Hamunakumbukile kenga ngwidilé ndamalidya Lilamulo na Vakulava. Hangwidile ndamalidya, ngwidilé ndatadya viwikile popo vinu avyo.

Mateu 6:1

“Lishunge pakulota hamunatende vitendo vyenu vyaishaliya pamevo pavanu kwambangidya vyoneke. Mukatenda davo po, Tatagwenu ávele kuwa hamupa shinu inudyo.

Mateu 9:30

Vanavo mevo ave andyújila kulola shana. Yesu kutwala kuvalaililila namene aashidoni, “Shitendo ashi hamunamwaulile munu.”

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Malukushi 3:12

Kanji Yesu ashindashulanga namene majini pakulota hanamwaulange ngala.

Malukushi 5:43

Yesu kuvaleya namene pakulota havanammanyie munu kutwala kuvalamulila vamupe ndyoko jo shakulya.

Malukushi 6:11

Palyutu lyoelyoe vakanampwashalela na vakanalota kumwigwilila, pamuma po, lipumunange litutunga mmadodo mwenu pakulota uve ushuda kwave vanavo.”

Malukushi 7:36

Yesu andívaleya havanammalangangile munu kanji kila mwashivalaedya vanavo vashindamamodya kummalanganga.

Malukushi 8:30

Nae kutwala kuvaduma pakulota havanammalangange kwavanu.

Malukushi 9:9

Napanelo pavashishuluka mulishinga Yesu andívaleya havanammalangangile munu vinu vyavagwene mpaka palota kudyuka Mwana Wamunu pakati pavakupela.

Lukashi 17:14

Yesu akavone, andívaulila doni, “Wenananga mukalilodye kwavakulangalalela-shadaka.” Bai vanavo vauka, mili vyave vyo, kutakata.

Lukashi 21:13

Napanelo lyolyo lyo, lindava litala lyakulota mwenu kunguumidya nangu ushuda.

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Lukashi 5:14

Napanelo Yesu kunnamulila hanamwaulile munu junji kanji andímwaulila kushidoni, “Wena ukalilodye kwankúlangalalela-shadaka, utwale umye shadaka kwakuushaniangigwa kwako ushapu kenga mo mwalamulidile Musha pakulota uve ushuda kwavanavo.”

Lukashi 8:56

Bai vatatavake vandíshanga namene kanji Yesu andívaulila havanamwaulile munu.

Lukashi 9:21

Nae kuvaduma havanammanyiye munu

Nshuwau 5:41

“Nangu lishangelo kwavanu nagambela shinu

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Nshuwau 8:50

Nangu hangunalilambalela shinu lishangelo nene nimwene. Lishangelo alyo, apali álambela; ni jojo áukumu.