Mateu 8:3 - Ibibiliya mu Shimakonde Imbodi Yaambi na dimbande dya Imbodi Yakala

³ Yesu kunyalodya nkono wake kunkwaa kushidoni, “Elo ndilota, takata!” Malemba lo kulambalakenneu, mili wo kutakata.

Mateu 8:3 ပူးပေါင်းရင်းမြစ်များ

Mateu 12:13

Nae kutwala kumwaulila munu jo kushidoni, “Nyalodya nkono wako wo!” Nae kunyalodya kutwala nkono wo kupona kuva kenga mo mwauvalalele unji.

Malukushi 1:41

Nae andímwanangila shididi shoe namene na andínyalodya nkono wake kutwala kunkwaa kumwaulila doni, “Elo ndilota, takata!”

Malukushi 4:39

Nae akatakatuka kushulanga shimbunga na kutangalela litanda lyo kushidoni, “Limaladye! Haunapikitange!” Imepo kumalala kutwala pashinu po kumalalika do, kimyaa!

Malukushi 5:41

Nae aninkamula kutwala kushidoni, “Talita kumi!” mana ake doni, “Ndyoko, nangu ninkukulamulila, takatuka!”

Malukushi 7:34

Paladile kuwa, andísha ntima aashidoni, “Epataa!” Yani, “Shimuka!”

Malukushi 9:25

Napanelo Yesu pagwene iminga yavanu yumbalanila anínshulanga lijini nshapu jo kushidoni, “Wako lijini bubu na úkaigwa, nangu ninkukulamulila kuma mumili mwandyoko aju na haunainjile kavili!”

Lukashi 4:27

Namomo muwakati umwe nkúlava Elisheu, ko ku Ishilaeli akuno vandyúmbala vamalemba. Napanelo pakati pave, hapali áukile ndatakata ila Naamani tu munu wa ku Shiliya!”

Lukashi 5:13

Yesu kunyalodya nkono kunkamula kushidoni, “Ndilota, takata!” Munu aijá muwakati wowo malemba kumuuminneu.

Lukashi 7:14

Nae kuvandika, kukamula igoli yavanyukatidíle maiti ailá, vanu vanyukéte igoli kwimila nae kushidoni, “Nnemba! Ninkukwaulila, takatuka!”

Nshuwau 11:43

Akatangole malove ala andítangola pashanya po aashidoni, “Lashalu, umila panda apa!”

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 5:21

Doni, mo mwavadyuwidya Tatamunu vakupela kuvapa shingumi, nimumo momo avalá vávalota Mwana, ankuvapa shingumi.