Mateu 8:2 - Ibibiliya mu Shimakonde Imbodi Yaambi na dimbande dya Imbodi Yakala

² Mwe! Popo po kumwidila munu jumo wamalemba mumili kunguguvalila kutwala kushidoni, “Nang'olo, ukalota unkuulula kungutadya ngutakate!”

Mateu 8:2 ပူးပေါင်းရင်းမြစ်များ

Mateu 10:8

Valwele vaponie, vakupela vadyuwe, vamalemba vatadye vatakate na majini kumulanga. Mwenu mupatilé monyo, namwenu momo jaula monyo.

Mateu 13:58

Bai palyutu alyo, Yesu hatandíle makango oe kwamwaa waungakulupila wave.

Mateu 14:33

Bai vanu ve vavéle mwingalava amulá vandilipudya kumwe Yesu vaashidoni, “Mwiu, wako umwanagwe Nnungu.”

Mateu 15:25

Bai nkongwe aijá kuwika kunguguvalila kushidoni, “Umu, ngupwashela.”

Mateu 18:26

Ntumika aijá kunguguvalila kulipudya aashidoni, ‘Nang'olo wangu ngwanangila shididi nangu ndakulipa uti udeni awo.’

Mateu 2:11

Pavainjilenge nng'ande vandímwona nunu jo pamo na jujumunu Maliya, vanavo kunguguvalila kulipudya kutwala kuutukulanga vituvi vyave kumupa dinudyo adi: shaabu, ubani na mila.

Mateu 20:20

Napanelo nkongwe jumo jujugwave vanavake Shebedeu andímuukila Yesu pamo na vanavake nanguguvalila kutwala kunjugwa amwangangole shinu shimo.

Mateu 26:6

Napanelo Yesu àvele ku Betaniya paing'ande imwe Simoni wamalemba

Mateu 28:17

Vanavo vakamwone, vandílipudya ila vanji pakati pave po, vashindamwambambidya.

Mateu 28:9

Kwashingangala Yesu kuvaumililila kutwala kushidoni, “Mmangumi!” Vanavo kumuukila, kumwambatila mmadodo mwake kutwala kulipudya.

Mateu 4:9

kumwaulila doni, “Ukanguguguvalila na kulipudya kwangu nangu, uti avi ndakupa.”

Mateu 8:1

Napanelo Yesu pashulwike palishinga dimbumba dyavanu dindímwoda.

Mateu 8:25

Vakwoda vake kumuukila ndamwimulanga vaashidoni, “Nang'olo tuposha, wetu kupela aku!”

Mateu 9:18

Akuno atangola malove alo, mwe! Kuwika apalá nkútawala jumo kunguguvalila kutwala kushidoni, “Mwanangu mwali andipela ambi apa. Napane tuke ukammikile makono na nae andanama!”

Lukashi 4:27

Namomo muwakati umwe nkúlava Elisheu, ko ku Ishilaeli akuno vandyúmbala vamalemba. Napanelo pakati pave, hapali áukile ndatakata ila Naamani tu munu wa ku Shiliya!”

Nshuwau 9:38

Munu kushidoni, “Nang'olo ninkukulupila.” Bai nae kutwala kulipudya kumili kwake.

Vitendo 10:14

Kanji Patulu kushidoni, “Umu! Davo po mene; nangu tangu hangunava kulya shinu ata shimo shishapu kwali shidagwa.”

Vitendo 10:25

Patulu pawikile paing'ande, Koluneli andyúka ndampwashalela kutwala kuunama alipudya kumwe Patulu.

I Vakolintu 14:25

shipii shamuntima mwake shindaundukuka kutwala kuunama kulipudya Nnungu aashidoni, “Mwiu, Nnungu ankupagwa pakati penu!”

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”