Mateu 7:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ mwaa nae ashipundisha kenga munu ávenavo madalaka i kenga vamwalimu vave vadishaliya.

Mateu 7:29 ပူးပေါင်းရင်းမြစ်များ

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Mateu 5:20

Napavedoni ninkumwaulila mwiu, ishaliya yenu ikanapunda yavamwalimu vadishaliya na mapalishayo, mwiko muutawala wakuwa hamwinjila.

Mateu 5:28

Napane nangu jo ninkumwaulila doni, kula munu álota kunnola nkongwe ang'unuka, muntima mwake mo, andilavalava tayali kwankongwe ajo.

Mateu 5:32

Napane nangu jo, ninkumwaulila doni, kula munu ánneka ndyagwe paukavele mwaa waugoni, ajo ankuntadya nkongwe jo alavalave. Namomo woewoe álota kunnomba nkongwe wavannakile, ankulavalava.

Mateu 5:44

Napane nangu jo ninkumwaulila doni, vanagwaledye vamongo venu na vashwalidye avalá vampapáta

Mateu 7:28

Bai Yesu pamalidile kutangola malove alo, dimbumba dyavanu dindíshanga namene mapundisho ake

Mateu 8:1

Napanelo Yesu pashulwike palishinga dimbumba dyavanu dindímwoda.

Lukashi 20:8

Kutwala Yesu kushidoni, “Bai nanangu hanimwaulila madalaka angutandela vinu avi.”

Lukashi 21:15

Nangu apa nantadya mutangole malove alimanyilo; malove alo, vamongo venu havapinga ata kutaukanga hakupagwa.

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.