Mateu 6:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napenelo amu ni mwakushwalidya mwenu, “ ‘Atata wetu úvele kuwa, lina lyako liilimyangike,

Mateu 6:9 ပူးပေါင်းရင်းမြစ်များ

Mateu 10:29

Da hamunashumidya vyuni vivili kwaidoshi imo? Kanji vovo vo hapali ata jumo álota kugwa pai bila mwene Tatagwenu kuungila nkono.

Mateu 23:9

Namomo mwenu mushilambo amu hanapagwe munu wakunshema ‘Atata’ mwaa Tatagwenu wakuwa avelé jumo bai.

Mateu 26:29

Ninkumwaulila doni, mwiko hangukumbila kavili ugwalwa au wavyepo mpaka muliduva alyo lyangulota kukumbila ugwalwa waambi namu mwenu muutawala umwe Atata.”

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Mateu 6:14

“Mwaa mukavalivaliva vanu kupujungula kwave, nanae Tatagwenu ávele kuwa anannivaliva mwenu.

Mateu 6:6

Wako ukalota kushwali injila kushumba shako ushime nnango wo utwale ushwali unjugwe Tatako ávele mushipii. Nadoni Tatako áona kwashipii andakupa inudyo.

Mateu 7:11

Ikava kenga mwenu pamo na ukalau wenu munkumanya kuvapa vanavenu vyambone, kushi Tatagwenu ávele kuwa hamamodya kuvapa vinu vyambone avalá vanjúgwa?

Lukashi 15:18

Kudyanga ngume nimuukile atata ndikamwaulile doni, “Atata, nangu nditega kuwa na nditega kwako.

Lukashi 15:21

Mwana kumwaulila tatamunu kushidoni, ‘Atata, nangu nditega kuwa na nditega kwako. Nadoni hanguvaikidile kungushema nimwanavo.’

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

I Timoti 6:16

jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”

Maono 5:12

vaimba pashanya po vaashidoni, “Ávaikidile kupata dimongo na mali, limanyilo na lyululilo, ishima, lishangelo na litumbyangilidyo ni Ngandolo ábyaigwe.”