Mateu 6:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ utawala wako wide, malotelo ako atandeke, mushilambo shapai kenga kuwa.

Mateu 6:10 ပူးပေါင်းရင်းမြစ်များ

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Mateu 3:2

aashidoni, “Lijugulange mwaa utawala wakuwa undivandika.”

Mateu 4:17

Napanelo kutunduvangila muwakati wowo wo, Yesu andítunduvanga kulaililila aashidoni, “Lijugulange mwaa utawala wakuwa undivandika.”

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

Malukushi 11:10

“Walaligwe utawala wída watatagwetu Daudi!” “Kushibika kupagwe kushanya-uti!”

Malukushi 3:35

mwaa munu woewoe átenda mwalatela Nnungu, munu aju ankwitika kuva mwanetu, numbwangu na ni ajala.”

Lukashi 19:11

Napanelo vanu vamwigwilila pashitangola, Yesu andíjilika avakang'ela nkong'o mwaa wakuvandika pa Yelusalemu na vanu vashona kenga utawala wa Nnungu undawikinneu.

Lukashi 19:38

vashindatangola doni, “Aalaligwe Umu áida palina limwe Umu! Amani ipali kuwa, lishangelo kushanya-uti!”

Lukashi 22:42

aashidoni, “Atata! Ukalota nyemya pamili pangu luwene alu ila hainave mwangulatela nangu, ive mwaulatela wako umwene.” [

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Vitendo 13:22

Pamuumidye Saulu, aníntandola Daudi ave umu wave. Jo Daudi aju, nae andímuumidya ushuda aashidoni, ‘Ndimwona Daudi mwanagwe Yeshe kuva munu kwakwodananavo ntima wangu; nae andatandedya malotelo angu uti.’

Vitendo 21:14

Napane pakuva haululíke kushambegwa, tundíshukulu tuushidoni, “Bai vitandeke kenga mo mwalatela Umu.”

Vitendo 22:14

Nae kavili kushidoni, ‘Nnungu wavanakuluvetu andikutandola pakulota umanye malotelo ake, andikutadya umwone aijá Waishaliya na umwigwe atangola jo mwene.

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Vaepeshu 6:6

i mwaneke pakulota ivanagwele vanu kanji kenga vatumwa vamwe Klistu mutenda malotelo a Nnungu mmitima vyenu

Vakoloshu 1:13

Nae ni átuposhidye muutawala wamushii kutuukanavo muutawala wamwanagwe wakunagwaleka,

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

I Vateshalonika 5:18

Lambwalela muuti mwaa ala ni malotelo ake Nnungu kwenu mwenu nkati mumwe Klistu Yesu.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Vabalaniya 10:7

Napane nangu kushidoni, ‘Lola, nangu ngupali apa, ndida ndatandedya malotelo ako, wako Nnungu; kenga mwavandikidile mushidingo shalibuku kwamwaa wangu.’ ”

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

I Patulu 2:15

Mwaa malotelo ake Nnungu ni ala, pamutenda wambone mundadima nshasholo waungamanya wavanu vajinga.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Maono 12:10

Napane ndígwa kuwa ko lidi lyadimongo liishidoni, “Ambi apa kwambolegwa kundiwika, dimongo na utawala wa Nnungu wetu na madalaka amwe Klistu wake mwaa andijalegwa pai aijá nkúkashali wavanung'unumunu ávakashali shilo na mui pamevo pa Nnungu wetu.

Maono 19:6

Namomo ndígwa lidi lyakuva kenga lyadimbumba dyavanu, lyakuva kenga libububu na lyakuva kenga shilindimu shading'uva liishidoni, “Aleluya! Mwaa Umu Nnungu wetu Wadimongo-uti, ankutawala.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.