Mateu 5:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Vandyalaligwa avalá vatandédya amani, mwaa vanavo vandashamegwa vana vake Nnungu.

Mateu 5:9 ပူးပေါင်းရင်းမြစ်များ

Mateu 5:45

pakulota muve mmana mmatatagwenu ávele kuwa. Mwaa nae vanu vakalau na vambone, liduva lyake ankuvavalila na vo vanu vaishaliya na vaungave-ishaliya vo, imbula ankuvatanyela.

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Lukashi 20:36

Vovo vo, havapela kavili valota kuva kenga vanjelo vake Nnungu ni vanavake Nnungu, vana valóta kwalakela mukudyuka kwavakupela.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Vitendo 7:26

Palyamba lyake nae kuvona vanaishilaeli vavili vakamanana kutwala kuvaunganianga ipagwe amani aashidoni, ‘Shasho da mwenu i mmanung'unumunu? Napanelo mwaa shani munkwanalanila?’

Valoma 12:18

Ikaululika na kwaupande wenu mwenu, nama kwaamani na vanu uti.

Valoma 8:14

Mwenu, uti avalá valangalalégwa kwa Imumu wake Nnungu ni vanavake Nnungu.

Valoma 8:16

Jo mwene Imumu ankumya ushuda kwaimumu yetu kenga wetu ni tuvanavake Nnungu

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

I Vakolintu 6:6

Kanji nung'unumunu ankuntwala dashi nung'unumunu junji kumuukanavo kulibengi kutwala kuukumigwa na vákakulupila?

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vapilipo 4:2

Napanelo shandivajugwangila Evodiya namu Shintike ni shinu shimo shosho, vaigwanie nkati mumwe Umu.

Vakoloshu 3:13

Pililanila na ikava kenga jumo ankuvanavo shakukashali kwamunu junji, napane pakuva Umu aninnivaliva mwenu namwenu momo livalilanila.

Vabalaniya 12:14

Likanyalidye pakulota muname nkati mu amani kwavanu uti na mukwilimyanga. Kwabila kupagwa mukwilimyanga, hapali álota kumwona Umu.