Mateu 5:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Vandyalaligwa avalá valishapéya, mwaa vanavo vandapata shilambo kuva shave.

Mateu 5:5 ပူးပေါင်းရင်းမြစ်များ

Mateu 11:29

Lyunge likangoti lyangu na lipundishe kwangu. Nangu ni wakulimaladya na wantima wakulishapeya na mwenu mundapata kupumula kwaungumi wenu.

Mateu 21:5

“Mwaulile Shiyau, ‘Lola, Umu wako ankukwidila. Nae ni wakulishapeya na ankwadilé punda, punda ndikidiki, mwanagwe punda.’ ”

Valoma 4:13

Mwaa hainava shinu kwaindila yalilamulo intadídye Abulaamu pamo na udukulu wake kupata kulivikila yakuva nae nkúpata-maleko ashilambo kanji kwaindila yaishaliya yalikulupililo.

Vagalata 5:23

kulishapeya, kulishunga gwegwe umwene. Pakati pavinu avi, halipali lilamulo.

Vaepeshu 4:2

pagwa mukulishapeya, mukupambadyanga na muupole mupilililanila mulinagwaledyo

Vakoloshu 3:12

Napavedoni kenga mmenentete mmakutandalegwa vake Nnungu, mmakwilimyanga na mmakunagwaleka, gwala shididi shamuntima, kutanana, kulishapeya, upole na kulipililila.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

Titu 3:2

havananniule munu, havanave vamagombi, vave vaupole valodya kulishapeya kwavanu uti.

Tiyagu 1:21

Napavedoni, jaa kushu ko ushapu uti na mavalelo akunyata alinatéla na pwashalela lilove lipandígwe nkati mwenu kwabila makukulu, lyolyo livénavo dimongo lyakwambola ungumi wenu.

Tiyagu 3:13

Wakwashi pakati penu walimanyilo na avénavo ding'ano? Bai alodye vitendo vyake kwaindila yamavalelo ake ambone atandeka kwabila makukulu nkati mulimanyilo.

I Patulu 3:15

Leka apo, ntumbyange Klistu Umu kenga wakwilimyanga nkati mmitima vyenu. Ava tayali ngwengwe pakulota kunjang'ula aijá álota kunjugwa mwenu amanye mana alilindilililo lipagwíte nkati mwenu.

I Patulu 3:4

leka apo, inimmaikila mulinemye mmitima vyenu kunema kúkatimbikanga nkati mwimumu yaupole na yakutulila ivénavo mana makumene namene kwaupande wake Nnungu.