Mateu 5:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Vandyalaligwa avalá valíla, mwaa vanavo vandapambadyangigwa.

Mateu 5:4 ပူးပေါင်းရင်းမြစ်များ

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Lukashi 6:21

Mundyalaligwa mwenu múvele na indala ambi apa, mundaikuta. Mundyalaligwa mwenu múlila ambi apa, mundeka.

Lukashi 6:25

Mupambale mwenu mwíkwite mwaa inankola indala. Mupambale mwenu mwéka mwaa mundalamadika na mundalila.

Lukashi 7:38

kuka ndamwimila Yesu pamadodo pake, kulila, myodi kugwilila mmadodo mwake Yesu kutwala ugwimbu wake kupukutanga myodi mmadodo mo, kupalapata na kupakanga mauta.

Lukashi 7:50

Kanji Yesu andímwaulila nkongwe jo kushidoni, “Likulupililo lyako lindikuposha, wena kwaamani.”

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”