Mateu 5:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ “Mundyalaligwa mwenu pavantukananga, pavampapata, pavantangalela vinu uti vyakunyata, vanambilila kwamwaa wangu nangu.

Mateu 5:11 ပူးပေါင်းရင်းမြစ်များ

Mateu 10:18

Vandamuukanavo kwavanang'olo vamajimbo na kwavaumu kwamwaa wangu nangu pakulota muve mmashuda vangu kwavanavo na kwavamidi.

Mateu 10:22

Vanu uti vanammangedya kwamwaa wangu nangu napane aijá álota kulipililila mpaka kumwisho andaambwalegwa.

Mateu 10:25

Nkwóda akava kenga mwalimu wake panditosha na ntumika akava kenga nang'olo wake panditosha. Napanelo ikava kenga tatamunu wapaing'ande vaninshema kuva Beelishebuli, kushi avalá valikola vapaing'ande pake i nimpomo?

Mateu 10:39

Aijá ánamatila shingumi shake andakatoka na aijá ákatoka shingumi shake kwamwaa wangu nangu andanamatila.

Mateu 19:29

Napanelo kula munu álakile ing'ande yake, vakuluvake, valumbuvake, tatake, anyoke, vanavake kwali mashamba kwamwaa wangu nangu, andapata vyoe vyakwanjadyeka myanda miya na shingumi shíkamalilika sho, andapata.

Mateu 24:9

“Napanelo vanavo vanankamula kumuukanavo ndamuuvyanga na vanammyaa. Mwemwe mundavangadika kwavenentete uti kwamwaa walina lyangu.

Mateu 27:39

Bai vanu váshipita apo vashindamwabalanga Yesu akuno vapukunianga myuti

Malukushi 13:13

Mwenu mundavangadika na vanu uti kwamwaa wangu nangu kanji aijá álota kulipililila mpaka kumwisho, ajo andaambolegwa.

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Malukushi 4:17

kanji kwamwaa úkave wakuvanavo dinyija, lilove lyo lipagwa muwakati padyoko mwaa vikavakodya vyamapipili kwali kupapatigwa kwamwaa walilove, vanavo vandájaika.

Malukushi 8:35

Mwaa woewoe álota aposhe shingumi shake, andakatoka kanji woewoe álota akatoke shingumi shake mwaa wangu nangu na kwamwaa wantenga wambone, andaposha.

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Lukashi 21:17

Vanu uti vanammangedya mwaa wangu nangu

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Lukashi 9:24

Mwaa woewoe álota aposhe shingumi shake andakatoka kanji woewoe álota akatoke shingumi shake mwaa wakungunagwaledya nangu, andaposha.

Nshuwau 15:21

Vanavo mwenu vanantenda davo kwamwaa walina lyangu pakuva havammanyite aijá ángutumididye.

Nshuwau 9:28

Bai vanavo vanínniula vaashidoni, “Nkwóda wamunu wako ni gwegwe umwene. Wetu tuvakwoda vake Musha.

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Valoma 8:36

Kenga indyandikigwa, “Kwamwaa wako tunkubyaigwa shilo na mui; tunkuvalangiligwa kenga vangandolo vakuka ndavashinda.”

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

II Vakolintu 4:11

Doni, wetu túpagwite mushingumi ngwengwe tunkujauligwa tupele kwamwaa umwe Yesu kwambangidya shingumi shake Yesu shililodye momo mumili vyetu vipéla.

Vapilipo 1:29

Mwaa kwenu mwenu kwaupande umwe Klistu, vandimupa i gweka yakunkulupila nae kanji yadavo yakumuvauvangila

I Patulu 2:23

Pavashintukana nae hashipindikula, pashuvauvanga po nae hashivatishanga ila ashinnakela aijá áukumu kwaishaliya.

I Patulu 4:14

Mwenu ikava kenga munkutukanigwa kwamwaa walina limwe Klistu, bai mwenu mundyalaligwa mwaa Imumu walishangelo àvele Imumu wake Nnungu, ankutulila pamuti penu.

Maono 2:3

Wako unkunanopa na unkulipililila mauvilo kwamwaa walina lyangu na haudabadabenge.