Mateu 5:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Vandyalaligwa avalá vapapatígwa kwamwaa waishaliya, mwaa vanavo utawala wakuwa wàve.

Mateu 5:10 ပူးပေါင်းရင်းမြစ်များ

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Mateu 19:14

Yesu kushidoni, “Valeke vadyoko vaide kwangu, hamunavaleye! Utawala wakuwa wavanu kenga ava.”

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Mateu 5:3

“Vandyalaligwa avalá vamashikini mwimumu, mwaa vanavo utawala wakuwa wàve.

Malukushi 10:14

Yesu pagwene shitendo asho inínnyatila kutwala kushidoni, “Valeke vadyoko vaide kwangu, hamunavaleye mwaa utawala wa Nnungu wavanu vavéle mwavadyoko.

Malukushi 10:30

munu aju muwakati wowo au, kwakwanjadyeka myanda miya andapata ding'ande adyo, vanung'unumunu avo, valumbumunu avo, vajujumunu avo, vana avo na mashamba alo pamo na kupapatigwa. Namomo muwakati wída, munu ajo andapata shingumi shíkamalilika.

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Lukashi 22:29

Napavedoni ninkunkamudya utawala kenga mo mwangukamudididye nangu Atata

Lukashi 6:20

Napanelo Yesu andíng'amula mevo ake kuvalola vakwoda vake kuvaulila kushidoni, “Mundyalaligwa mwenu mmamashikini, utawala wa Nnungu, wènu.

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Nshuwau 15:20

Kumbukila malove animwaulidile, ‘Ntumika hanampunda nang'olo wake.’ Ikava kenga vaningupapata, namwenu momo vanampapata na ikava kenga vandiigwilila lilove lyangu, namwenu momo lyenu lyo, vandaigwilila.

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

Vapilipo 1:28

kwabila kuvajopa nkati mushinu shoeshoe avalá vampínga. Ashi ni shimanyikilo shave shakubamalegwa kanji kwenu mwenu ni lyambwalelo lyenu; lyo lyalakéla kumwe Nnungu.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

Tiyagu 5:11

Mwenu, tunkuvashema vakwalaligwa avalá valipililidíle. Mwenu mundigwa itangaleka kulipililila kumwe Jobi, namomo mundyona kumwisho kwake Umu mwashi mwaukile nantananila mwaa ntima wake Umu ni wakuumbaligwa lilotelo na ni washididi.

I Nshuwau 3:12

Hatunave kenga Kaimu munu umwe nkalau ámpadidye nung'une. Mwaa shani animpedya? Mwaa Kaimu vitendo vyake vivele vyashikalau na vyannung'une kuva vyaishaliya.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.