Mateu 4:3 - Ibibiliya mu Shimakonde Imbodi Yaambi na dimbande dya Imbodi Yakala

³ Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

Mateu 4:3 ပူးပေါင်းရင်းမြစ်များ

Mateu 14:33

Bai vanu ve vavéle mwingalava amulá vandilipudya kumwe Yesu vaashidoni, “Mwiu, wako umwanagwe Nnungu.”

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.

Malukushi 3:11

Vanu vamajini mashapu ngwengwe pavashimwona Yesu, majini lo ashindanguguvalila kutwala kukugwa pashanya po aashidoni, “Wako Umwana wa Nnungu.”

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 22:70

Vanavo uti kumudya, “Da napanelo wako po umwanagwe Nnungu?” Nae kushidoni, “Mwenu ni múnguvalanganga.”

Lukashi 4:3

kutwala Ndamoni kushidoni, “Wako ukava umwanagwe Nnungu, dyuwa lijanga ali live ligung'u.”

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Lukashi 4:9

Ndamoni kuntwala kavili kumuukanavo ku Yelusalemu nammika panantutuvilo waing'ande ya Nnungu kutwala kumwaulila doni, “Wako ukava umwanagwe Nnungu, daloka apa

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 9:35

Napanelo Yesu akaigwa do, munu wampatiidye kulola aijá vanimminganga mushitala shakulipudidya. Akankodye andímudya, “Da wako unkunkulupila Mwana Wamunu?”

Vitendo 9:20

Nae kutunduvanginneu kwinjila muvitala vyamikodyanio apita ammalanganga Yesu doni, “Nae ni Mwana wa Nnungu.”

II Vakolintu 1:19

Mwaa Mwana wa Nnungu, Yesu Klistu ávalangangiligwe pakati penu kwaindila yetu, nangu, Shilivanu namu Timoti, haivele “Elo” namomo “Mene” kanji nkati mwake mo, ngwengwe muvelé “Elo.”

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

I Vateshalonika 3:5

Napavedoni kwaupande wangu nangu pandikalipililidile kavili nditumidya ngumanye ing'ano yalikulupililo lyenu nakapanji aijá nkútubya kwadindila dyoedyoe anintubya kutwala shimadengo shetu kuva shamonyo.

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vabalaniya 7:3

Ata have tatake, have anyoke, have udukulu na ata havenavo shitunduvangilo shamaduva kwali mwisho washingumi shake; kanji vankunninganianga na Mwana wa Nnungu mwaa ankuva nkúlangalalela-shadaka ngwengwe ngwengwe.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.