Mateu 4:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Napanelo Yesu apita awena nanyenje litanda lya Galileya, andívona vanung'unumunu vavili, Simoni wavanshema Patulu pamo na nkulumunu Andaleya vateja dingau dyave mulitanda. Vovo vo, shimadengo shave shivele shakwaka dyomba.

Mateu 4:18 ပူးပေါင်းရင်းမြစ်များ

Mateu 10:2

Mena avamyombe avo kumi na mbili ni ala: ntandi, Simoni wavanshema Patulu pamo na nung'une walina Andaleya, kwatika Tiyagu mwanagwe Shebedeu pamo na nung'une walina Nshuwau,

Mateu 15:29

Napanelo Yesu akaume apo andyúka mpaka nanyenje litanda lya Galileya kutwala kukwela palishinga kwikala.

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Mateu 4:19

Nae kuvaulila kushidoni, “Ngwoda! Nangu nantenda muve mmanu mmakuvaka vanu.”

Malukushi 7:31

Napanelo Yesu andyúma mwisemu ayo yananyenje mwake likaja lya Tilu kupita ku Shidoni kuka mpaka kulitanda lya Galileya apitila shilambo sha Dekapolishi.

Lukashi 6:14

Vanu avo vavele ava: Simoni washilota kumupa Yesu lina lya Patulu, Andaleya nung'une jo Patulu, Tiyagu namu Nshuwau, Pilipo, Balutolomeu,

Nshuwau 21:1

Vikapite avyo, Yesu andílilodya kavili kwavakwoda vake nanyenje litanda lya Tibeliyade. Kulilodya kwake ko kuvé doni,

Nshuwau 6:1

Ling'oto lyavinu avyo Yesu andyámboka litanda lya Galileya, kwali lya Tibeliyade, kuka mwangu unji

Nshuwau 6:8

Nkwóda junji Andaleya, nung'une Simoni Patulu akaashidoni,