Mateu 4:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Yesu napane kushidoni, “Kuka apa Shatwani! Mwaa indyandikigwa doni, ‘Lipudye kumwe Umu Nnungu wako na untumikile jojo bai.’ ”

Mateu 4:10 ပူးပေါင်းရင်းမြစ်များ

Mateu 16:23

Yesu kushiliuka kushidoni, “Tumuka mushu mwangu Shatwani! Wako ni lijanga lyakungutadya ngulikuvale. Wako haunakumbukila shinu mwakumbukilila Nnungu, ukumbukila mwavakumbukilila vanu.”

Malukushi 1:13

koko ko kwikala maduva alubaini atubigwa namu Shatwani anama pamo na vanyama vakunundu kutwala vanjelo kutunduvanga kuntumikila.

Lukashi 10:18

Yesu kushidoni, “Nangu ndimwona Shatwani agwa kuwa mwainaa yamoto.

Lukashi 11:18

Shatwani akalitenda ing'ondo jo mwene, utawala wake ulota kuka dashi mushu? Ninkutangola davo mwaa mwenu po munkushidoni nangu ninkukumulanga majini kwalilamulo limwe Beelishebuli!

Lukashi 13:16

Kushi nkongwe aju mwanagwe Abulaamu wamuungile Shatwani vyaka kumi na nane, haimmaikidile kumwambola mukungwa muliduva lyakupumula?”

Lukashi 22:3

Napanelo Shatwani andímwinjila Yudashi wavashinshema Shikaliyote munu wamushipinga shavakwoda vake Yesu kumi na mbili avalá.

Lukashi 22:31

Yesu kavili kushidoni, “Simoni, Simoni, ngwigwa. Shatwani andijugwa ampate mwenu pakulota ampete kenga ngano.

Lukashi 4:8

Yesu kushidoni, “Um! Indyandikigwa doni, ‘Lipudye kumwe Umu, jo Nnungu wako na untumikile jojo bai.’ ”

Nshuwau 13:27

Nae akalye shibadu ashilá, Shatwani kumwinjilinneu. Yesu kutwala kumwaulila, “Shaulota kutenda sho, tenda shipajelo.”

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

I Vakolintu 5:5

nkamudye munu ajo kumwe Shatwani akabamalegwe shimunumunu kwambangidya imumu yake yambolegwe muliduva limwe Umu.

I Vakolintu 7:5

Hamunaimane aki yenu kwali paikava yakwigwania muwakati padyoko pakulota muliikiniye mukushwali. Ling'oto imang'ananga kavili pakulota Shatwani hanantubye kwamwaa wakumwova kulishunga mwemwe mmene.

II Vakolintu 11:14

Ashi hashinava shakutikinika mwaa jo mwene Shatwani, nae andálijaluwanga kuva njelo walilangadyo.

II Vakolintu 12:7

Napanelo kwamwaa waukumene wakupunda apo wamaono na pakulota nangu hangunalikwedye, vaningujaulila miva mumili mwangu, àvele múntenga wake Shatwani pakulota angutindinganiange kwambangidya dashi hangunalikwedye.

II Vakolintu 2:11

kwambangidya dashi, Shatwani hanatupate kwaujanja wake mwaa hatunatikinanga shinu milugu vyake.

Tiyagu 4:7

Napavedoni mwishimu Nnungu. Mwite Ndamoni nae po, anantukuta;

I Patulu 5:9

Mpinge, nanopa nkati mulikulupililo lyenu mumanya doni, vanung'unumunumwenu mushilambo amu uti vankupata inamuna yamauvilo lolo.