Mateu 3:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Mateu 3:7 ပူးပေါင်းရင်းမြစ်များ

Mateu 12:24

Kanji mapalishayo pavaigwite davo kushidoni, “Munu aju mwakumulangila majini ni kwaindila imwe Beelishebuli nang'olo wave majini.”

Mateu 12:34

Mmanu mmashinankulaba mmakunyata mitima mwe! Mwenu mulota kutangola dashi malove ambone akuno mùvele mmanu mmakunyata mitima? Munu atangola vimuumbéle muntima mwake.

Mateu 15:12

Napanelo vakwoda vake vandímuukila ndamudya doni, “Da unkumanya kenga mapalishayo pavaigwite vyautangwele avilá indivanyatila?”

Mateu 16:1

Napanelo mapalishayo pamo na mashadukayo vandímuukila Yesu nanninga kunjugwa avalodye shimanyikilo shakwalakela kuwa.

Mateu 16:6

Yesu kuvaulila kushidoni, “Ava mevo na lishunge kwamwaa wankukumuku wamapalishayo na wamashadukayo.”

Mateu 22:15

Napanelo mapalishayo vakaumananga apo kutwala kwikala nguguvale wakunteja ntego vampate mu lo malove ake.

Mateu 22:23

Napanelo muliduva lyolyo lyo Yesu vandímwidila mashadukayo vánataukanga kudyuka kwavakupela kutwala kumudya doni,

Mateu 22:34

Napanelo mapalishayo vakaigwe kenga Yesu andivadima nshasholo mashadukayo, vandímwikalila shemba.

Mateu 23:33

“Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Mateu 5:20

Napavedoni ninkumwaulila mwiu, ishaliya yenu ikanapunda yavamwalimu vadishaliya na mapalishayo, mwiko muutawala wakuwa hamwinjila.

Malukushi 12:13

Napanelo vandívatuma mapalishayo vanji pamo na vanu vashipinga shimwe Elode vauke vakampatikaniange mumalove ake.

Malukushi 12:18

Napanelo mashadukayo, vanu vánaashidoni hakupali kudyuka kwavakupela, vanímmandika Yesu kutwala kumudya,

Malukushi 8:15

Napanelo ashindavaduma aashidoni, “Lilaledye! Lishunge kwaing'ano yankukumuku wamapalishayo na umwe Elode!”

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Lukashi 18:11

Mpalishayo aju andíimila kutwala kushwali shintimatima doni, ‘Nnungu, ninkukulambwalela mwaa hanguvele kenga vanji; vakwiva, vakushonda, vaungave-ishaliya, vakulavalava na ata hanguvele kenga munu aju nkúkatisha-ukodi aju.

Lukashi 7:30

kanji mapalishayo namu vamwalimu vadishaliya pakwita kuvapa ubatisho Nshuwau, vandiludyanga malotelo a Nnungu pamili pavo.

Nshuwau 1:24

Napanelo pakati pavanu ve vatumigwídye vandípagwa mapalishayo.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Nshuwau 9:40

Napanelo mapalishayo vanji vapagwíte pepi namu pavéle Yesu vakaigwe malove alo vandímudya, “Da wetu po momo tundiputala?”

Vitendo 15:5

Kanji vakukulupila vanji vaishama yamapalishayo vandíimila kutwala kutangola doni, “Vamidi indivavaikila vakumuligwe na tuvalamulile vaodedye Lilamulo lyake Musha.”

Vitendo 20:31

Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.

Vitendo 26:5

Vanavo nangu vaningumanya tangu kala na ata leka vàlotile, vakandyumya ushuda doni kwakwodananavo shipinga shishínya namene mwidini yetu nangu ndinama kenga mpalishayo.

Vitendo 5:17

Napanelo nkúlangalalela-shadaka nkumene pamo na vavagwe uti vàvele vamushipinga shamashadukayo, vandítunduvanga kuvaanangila ing'ou vamyombe.

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

Valoma 5:9

Pakuva ambi apa napane tundivalangiligwa ishaliya kwaindila yamyadi vyake, kupunda namene kwaindila yake nae tundaambwalegwa mushitundi.

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Vabalaniya 11:7

Kwalikulupililo Noe pavammanyiidye kaladavo avilá vilóta kutandeka pakuva jojo jo ashinanjopa Nnungu, nae andíkandyanga ingalava yakulota kwambola likola lyake. Nadoni andyúkumu shilambo na kutandegwa kuva nkúpata-maleko aishaliya kwaindila yalikulupililo.

Vabalaniya 6:18

kwambangidya dashi kwaindila yavinu vivili vikabadilika, vyo víkaululika Nnungu kushang'apa, wetu tunkuulula kuvanavo kupambadyangigwa pakulota kukamulila shana lilindilililo lyavavikile mushu mwetu wetu tútukutidile kwa Nnungu.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.