Mateu 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo mumaduva alo andyúmilila Nshuwau Wakubatisha kushimbweshe sha ku Yudeya alaililila

Mateu 3:1 ပူးပေါင်းရင်းမြစ်များ

Mateu 11:11

“Ninkumwaulila mwiu doni, pakati pavanu vamushilambo shapai ashi, haumilidile nkúlava ámpundile Nshuwau Wakubatisha. Ata ive davo aijá ndikidiki muutawala wakuwa wo, nae ni nang'olo ámpundile Nshuwau jo.

Mateu 11:7

Napanelo vakwoda vake Nshuwau akuno vauma, Yesu andítunduvanga kumanyiya imbumba yavanu ing'ano imwe Nshuwau aashidoni, “Da mwenu muukile ndalola nyamani kushimbweshe akulá? Muukile ndalola udani úshipunga imepo?

Mateu 16:14

Vanavo do, “Vanji Nshuwau Wakubatisha, vanji Liyashi na vanji Yelemiya kwali nkúlava jumo pakati pavakulava vakala.”

Mateu 21:32

Mwaa Nshuwau andímwidila mwenu nannodya indila yaishaliya kutwala mwenu me kunkulupila. Vakukatisha-ukodi na vakulavalava vo vaninkulupila, napane mwenu ata mwona avi, hamulijugulenge pakulota munkulupile.

Mateu 3:8

Lodya vyepo vilódya kulijugulanga.

Malukushi 1:15

aashidoni, “Undiwika wakati, utawala wa Nnungu undivandika nadoni lijugulange madambi enu na kulupila ntenga wambone wa Nnungu.”

Malukushi 1:2

Kwodana na avilá vyandikíke mulibuku lyake nkúlava Ishaiya, “Wako, mushu mwako ninkuntumidya múntenga wangu, nae andakukandyangidya indila yako.”

Lukashi 1:76

Napanelo unnemba wako undashamegwa unkúlava wake Wapashanya-uti mwaa undalangalela upita unkandyangidya Umu dindila dyake.

Lukashi 7:24

Napanelo avalá vaidíle na ntenga umwe Nshuwau vakatumuke mulyutu alyo Yesu andítunduvanga kutangola ing'ano imwe Nshuwau avaulila vanu vapagwíte apo kushidoni, “Da kushimbweshe muukile ndalola nyamani? Muukile ndalola udani úshipunga imepo?

Vitendo 1:22

kutunduvangila paubatisho umwe Nshuwau mpaka muliduva lyavantandwile Umu Yesu pakati petu kuka kuwa, jumo pakati pavalume avo ave nshudamwetu wakudyuka kwake Yesu.”