Mateu 26:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Napane vovo vo vashishidoni, “Haunave wakati washikukulu mwaa inkuulukika venentete kutenda mandamano akupinga.”

Mateu 26:5 ပူးပေါင်းရင်းမြစ်များ

Mateu 14:5

Jo Elode jo, ashindalota ammyae Nshuwau napane ashivajopa venentete kwamwaa vanavo vashinankulupila Nshuwau jo kuva nkúlava.

Mateu 21:26

Ata tukaashidoni, ‘Walakadilé kwavanu,’ tuvajopa venentete mwaa vanavo uti vankumwamini Nshuwau kuva nkúlava.”

Mateu 27:24

Napanelo Pilatu pamanyite doni hashipali shuululika na shititimbu shinkutunduvanga, andítwala medi kunavanga mmakono pamevo pavanu uti aashidoni, “Kujaika kwamyadi vyamunu aju, nangu hanguve makosha. Ing'ano ayo yenu mmene.”

Malukushi 14:12

Napanelo muliduva litandi lyashikukulu shamagung'u ákavele nkukumuku pavashinshinda ngandolo wa Pasaka, vakwoda vake Yesu vandímudya kushidoni, “Ulota Pasaka ai tukakupanganiangidye kwashi ulye?”

Malukushi 14:2

Vanavo vashindatangola vaashidoni, “Haunave wakati washikukulu mwaa inkuulukika venentete kutenda mandamano akupinga.”

Malukushi 14:27

Napanelo Yesu andívaulila vakwoda vake kushidoni, “Mwenu uti munangwambukanga mwaa vandyandika doni, “ ‘Nammyaa nkúshunga kutwala dingandolo kumwadilikananga.’

Lukashi 20:6

Namomo tukaashidoni, ‘Walakadilé kwavanu,’ venentete uti vandatwamanga majanga mwaa vanavo vaninkulupila Nshuwau kuva nkúlava.”

Lukashi 22:7

Napanelo liduva lyashikukulu shamagung'u ákave nkukumuku livaikidíle vayuda kunshinda ngandolo wapasaka lindíwika.

Nshuwau 18:28

Kavili vayuda vandímumya Yesu paing'ande imwe Kaipashi kumuukanavo kumwe gavana. Wakati wene wo uvele lyamba linyeiku, napane vanavo pavakalota kulitaa udagwa, havainjidíle nng'ande vajopa pakulota vaulule kulya Pasaka.

Vitendo 19:29

Muwakati ungwipi likaja uti lindíinjila mpulugu; venentete vanínkamula Gayu namu Alishitaliku vanu va ku Makedoniya váshipita vawena shalumo namu Paulu kupita vavautanga vavaukanavo kushiwanja shamishesho.

Vitendo 21:38

Da wako hauvele mmishili aijá átandile mandamano akupinga shilikali mumaduva apitíle kutwala kuvatwala vakupinga-shilikali dyalupu nsheshe kuvaukanavo kushimbweshe?”

Vitendo 4:28

Vandíkadyanianga pakulota vitandeke avilá vyaupangidile tangu kunantandi kwadimongo dyako na malotelo ako.