Mateu 26:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Nae akauka mushu padyoko kugwa ing'ope kutindya pai kutwala kushwali aashidoni, “Atata, ikaululika nyemya pamili pangu luwene alu ila haunatende mwangulatela nangu, tenda mwaulatela wako umwene.”

Mateu 26:39 ပူးပေါင်းရင်းမြစ်များ

Mateu 20:22

Yesu kushidoni, “Mwenu hamumanyite shamujugwa. Da mwenu mundaulula kukumbila luwene lwolwo lwangulota kukumbila nangu?” Vanavo do, “Tundaulula.”

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

Lukashi 17:16

Kutwala kugwilangila pamadodo pake Yesu annambwalela. Napanelo munu jojo jo, avele nshamaliya.

Nshuwau 11:41

Bai vanavo vandyúsha lijanga lyo Yesu kunyanyula shilaka kutwala kushido, “Atata, ninkukulambwalela mwaa uningwigwilila.

Nshuwau 14:31

kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya. Bai takatukanga, tume apa.

Nshuwau 18:11

Yesu napane kumwaulila Patulu doni, “Kondya lyambila! Da hangunakumbile shikombe shangupele Atata?”

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 5:30

“Nangu hangunaulula kutenda shinu shoeshoe shakubuni nene nimwene. Mwangwigwidya nangu ni mwanguukumila na kuukumu kwangu kunkuvanavo shaliya mwaa hangunatenda shinu mwangulatela nimwene ila ninkutenda mwalatela aijá ángutumididye.

Nshuwau 6:38

Nidoni, ngwaleké kuwa i kwida ndatandedya malotelo angu ila ngwidilé ndatandedya malotelo ake aijá ángutumididye.

Vitendo 10:25

Patulu pawikile paing'ande, Koluneli andyúka ndampwashalela kutwala kuunama alipudya kumwe Patulu.

Vapilipo 2:8

andílishapeya ava wakwigwilila mpaka kupela, ata kupela panshalaba.

Vabalaniya 5:7

Yesu mumaduva anamile mushilambo amu, andílyumya mukushwali na mukujugwangila annamadikila pashanya po akuno alila anjugwa aijá áulula amwambole mukupela kutwala nae kumwigwa mwaa wakunjopa Nnungu.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”