Mateu 26:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Nae kushidoni, “Wena kunjini ko mukatangole na munu jumo kushidoni, ‘Mwalimu atédoni, “Wakati wangu undivandika, nadoni paing'ande pako apa ndatandela Pasaka na vakwoda vangu.” ’ ”

Mateu 26:18 ပူးပေါင်းရင်းမြစ်များ

Mateu 21:3

Ikava kenga andapagwa wakumudya shamumuungulila mwenu mwaulile doni, ‘Umu ankuvalota, andavaujiya.’ ”

Mateu 23:10

Na ata hamunashamegwe ‘Mmanang'olo’ mwaa nang'olo wenu avelé jumo bai, nae ni Klistu.

Mateu 23:8

Kanji mwenu hanapagwe wakushamegwa ‘Labi’ mwaa mwalimu wenu avelé jumo bai. Mwenu apa uti mmanung'unumunu gweka.

Mateu 26:19

Mwiu vakwoda vake kutenda kenga mo mwavatumidile; vanavo vandípanganianga Pasaka ayo.

Mateu 26:2

“Mwenu mundimanya kenga andibakila maduva mavili pakulota kuwika Pasaka. Mwana Wamunu vanankamudya kwavanu pakulota vankamele panshalaba.”

Mateu 26:49

Nae kukinneu kumwe Yesu ndaashidoni, “Labi, umumi?” Bai kutwala kumwambatila.

Malukushi 5:35

Napanelo Yesu akuno ankutangola, avalá vanu vake aijá nanangalaledi washitala shakulipudidya vandiwika kumwaulila nang'olo wave kushidoni, “Mwanavo jo andipela! Haunauke mushu undingadinga mwalimu jo.”

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Nshuwau 11:28

Akamalile kutangola malove alo andyúka kwanung'unumunu Maliya nannyinyitila doni, “Mwalimu jo andiwika, andákushema.”

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 17:1

Yesu akatangole davo andínyanyula shilaka kulola kuwa kutwala kushidoni, “Atata, wakati undiwika! Mupe mwanavo lishangelo pakulota nanae akupe lishangelo

Nshuwau 20:16

Yesu kushidoni, “Maliya!” Nae kushiliuka kutwala kumwaulila mushibalaniya doni, “Laboni,” mana ake Mwalimu.

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:6

Yesu napane kuvaulila doni, “Isaa yangu hainava kunguwikila ila mwenu isaa yenu yakutenda vyenu ngwengwe ivelé tayali.

Nshuwau 7:8

Wena mwenu po kushikukulu ko. Nangu apa, kushikukulu ashi, hanguka mwaa wakati wangu haunava kunguwikila.”